Glenn Phillips Breaks World Record Most Runs In Bilateral T20I Series : न्यूझीलंडने पाचव्या टी-२० सामन्यात भारतावर मात करत मालिका विजयाने संपवली असली, तरी या मालिकेत खरा हिरो ठरला तो किवींचा स्फोटक फलंदाज ग्लेन फिलिप्स. भारतीय गोलंदाजांची पळता भुई थोडी करत फिलिप्सने धावांचा असा पाऊस पाडला की क्रिकेट विश्वात नवा विश्वविक्रम प्रस्थापित झाला. फिलिप्स आता आंतरराष्ट्रीय द्विपक्षीय टी-२० मालिकेत जगात सर्वाधिक धावा करणारा फलंदाज बनला आहे. त्याने पाकिस्तानचा मोहम्मद रिझवान आणि इंग्लंडचा फिल सॉल्ट या दिग्गजांना मागे टाकत नवा इतिहास रचला आहे.

पाच सामन्यांत ३४१ धावांचा डोंगर; मोडला फिल सॉल्टचा विक्रम

भारत आणि न्यूझीलंड यांच्यातील पाच सामन्यांच्या मालिकेत फिलिप्सच्या बॅटने आग ओकली. त्याने संपूर्ण मालिकेत तब्बल ३४१ धावा फटकावल्या. यापूर्वी हा विक्रम इंग्लंडच्या फिल सॉल्टच्या नावावर होता, ज्याने २०२३ मध्ये वेस्ट इंडिजविरुद्ध ३३१ धावा केल्या होत्या; तर २०२२ मध्ये पाकिस्तानच्या मोहम्मद रिझवानने इंग्लंडविरुद्ध ३१६ धावा केल्या होत्या. आता ३४१ धावांसह फिलिप्सने या दोघांनाही मागे टाकत अव्वल स्थान काबीज केले.

द्विपक्षीय आंतरराष्ट्रीय टी-२० मालिकेत सर्वाधिक धावा:

Easiest Player of the Series ever.

A record-breaking series for Glenn Phillips, who now has the most runs ever in a bilateral men’s T20I series 🔥 https://t.co/p5RirOqdu5

— Cricinfo (@cricinfo) November 1, 2026

• ग्लेन फिलिप्स – ३४१ धावा (विरुद्ध भारत, २०२६)
• फिल सॉल्ट – ३३१ धावा (विरुद्ध वेस्ट इंडिज, २०२३)
• मोहम्मद रिझवान – ३१६ धावा (विरुद्ध इंग्लंड, २०२२)

सेफर्ट-फिलिप्सने पाचव्या सामन्यात भारताचा पाडला फडशा –

हॅमिल्टन येथील शेवटच्या लढतीत भारताने प्रथम फलंदाजी करताना २० षटकांत ८ बाद १९१ धावा उभारल्या होत्या. प्रत्युत्तरात न्यूझीलंडने १९२ धावांचे लक्ष्य १८ व्या षटकात अवघ्या ३ गड्यांच्या मोबदल्यात गाठले. सलामीवीर टिम सेफर्टने ५० चेंडूंत ९३ धावांची वादळी खेळी केली, तर ग्लेन फिलिप्सने अवघ्या ३८ चेंडूंत नाबाद ६५ धावा ठोकत किवींना ७ गडी राखून विजय मिळवून दिला.

हेही वाचा – India Sixes Record : टीम इंडियाचा वर्ल्ड रेकॉर्ड! टी-२० क्रिकेटमध्ये एकाच वर्षात तब्बल ‘इतके’ षटकार मारणारा ठरला जगातील पहिलाच संघ

मालिका ३-२ ने भारताकडे; आता एकदिवसीय लढतीची प्रतीक्षा

65* (38) – Glenn Phillips becomes just the 2nd batter after Mohammad Rizwan to register 4 fifty-plus scores in a bilateral T20I series (involving Full Members) https://t.co/p5vbMRNrVw

— Cricbuzz (@cricbuzz) November 1, 2026

या ऐतिहासिक कामगिरीसाठी ग्लेन फिलिप्सला ‘प्लेअर ऑफ द सिरीज’ पुरस्काराने गौरवण्यात आले. भारताने पाच सामन्यांची ही मालिका ३-२ अशा फरकाने जिंकली असली, तरी शेवटच्या दोन सामन्यांत न्यूझीलंडने जोरदार पुनरागमन केले. आता उभय संघांमध्ये पाच सामन्यांची एकदिवसीय (ODI) मालिका खेळवली जाणार असून, मालिकेतील पहिला सामना ४ नोव्हेंबर रोजी ऑकलंडच्या ईडन पार्क मैदानावर पार पडेल.