India Foreign Exchange Reserves: परकीय चलनाच्या साठ्यात मोठी घट झाली आहे. RBI ने जारी केलेल्या परकीय चलन साठ्याच्या आकडेवारीनुसार, 20 ऑक्टोबर 2023 रोजी संपलेल्या आठवड्यात परकीय चलन साठा 2.363 अब्ज डाॅलरने घसरून 583.53 अब्ज डाॅलर झाला आहे. या आठवड्याच्या सुरुवातीला परकीय चलनाचा साठा 585.89. अब्ज डॉलर होता. बँकिंग क्षेत्रातील नियामक रिझर्व्ह बँक ऑफ इंडिया (RBI) ने शुक्रवारी परकीय चलनाच्या साठ्याची आकडेवारी जाहीर केली.
आरबीआयच्या सोन्याच्या साठ्यात मोठी वाढ झाली आहे. अलीकडच्या काळात, मध्यवर्ती बँकांनी सोन्याची खरेदी केली आहे, सोन्याच्या किमती वाढल्यामुळे, आरबीआयचा सोन्याचा साठा 45.42 अब्ज डॉलर्सपर्यंत वाढला आहे. SDR 72 दशलक्ष डाॅलरच्या घसरणीसह 17.92 बिलियन डाॅलरवर आला आहे. तर आंतरराष्ट्रीय नाणेनिधीमध्ये जमा असलेला साठा 8 दशलक्ष डॉलर्सने वाढून 4.98 अब्ज डॉलरवर पोहोचला आहे.
परकीय चलनाच्या साठ्यात घट होण्याची कारणे –
पश्चिम आशियातील इस्रायल आणि हमास यांच्यातील युद्धानंतर जागतिक राजकीय तणाव वाढला आहे. त्यामुळे जगभरातील शेअर बाजारात घसरण झाली आहे. परकीय चलनाचा साठा कमी झाल्याने गुंतवणूकदारांनी गुंतवणूक काढून घेतली आहे. त्याचबरोबर कच्च्या तेलाच्या किमतीत वाढ झाल्यामुळे साठ्यात घट निर्माण झाली आहे.
अलीकडच्या काळात डॉलरच्या तुलनेत भारतीय चलन रुपयात घसरण होत आहे. मात्र, शुक्रवार 27 ऑक्टोबर रोजी दर स्थिर राहिले. एका डॉलरच्या तुलनेत रुपया 83.24 रुपयांवर बंद झाला आहे. गेल्या आठवड्यात रुपया 11 पैशांनी कमजोर झाला आहे.