बंगळुरू – कर्नाटकमध्ये पंतप्रधान नरेंद्र मोदी यांच्या सुरक्षेत हलगर्जीपणाचे प्रकरण समोर आले आहे. पंतप्रधान मोदी हुबळीमध्ये रोड शो करत होते. यादरम्यान एक तरुण पीएम मोदींच्या सुरक्षेचा घेरा तोडून वाहनाजवळ पोहोचला. या मुद्द्यावर हुबळीच्या पोलीस आयुक्तांनी सुरक्षेचा भंग झाल्याचा इन्कार केला आहे. पंतप्रधानांच्या सुरक्षेत कोणतीही कसूर झालेली नाही, असे त्यांचे म्हणणे आहे.
मिळालेल्या माहितीनुसार, रोड शो दरम्यान एक व्यक्ती अचानक त्यांच्या वाहनाजवळ पोहोचला. त्या व्यक्तीला पंतप्रधान मोदींना पुष्पहार घालायचा होता. मात्र, तो माणूस पंतप्रधानांच्या दिशेने येताना पाहून सुरक्षा कर्मचाऱ्यांनी तात्काळ कारवाई करत त्याला मध्येच थांबवले. त्यांना तातडीने पंतप्रधानांच्या ताफ्यातून दूर नेण्यात आले. पंतप्रधानांनी त्या व्यक्तीच्या हातातील पुष्पहार आपल्या हातात घेतला आणि पुन्हा तो गाडीवर ठेवला. या घटनेचा एक व्हिडीओ सध्या जोरदार व्हायरल होत आहे.
#WATCH | Karnataka: A young man breaches security cover of PM Modi to give him a garland, pulled away by security personnel, during his roadshow in Hubballi.
(Source: DD) pic.twitter.com/NRK22vn23S
— ANI (@ANI) January 12, 2023
