Axar Patel Wedding – भारतीय क्रिकेट संघाचा अष्टपैलू खेळाडू अक्षर पटेलने न्यूझीलंडविरुद्धच्या मालिकेतून विश्रांती घेतली होती. त्याने विश्रांती का घेतली याबाबतचे कारण अनेकांना माहिती नव्हते. मात्र, त्याने घेतलेल्या विश्रांतीचे कारण आता समोर आले आहे. अष्टपैलू खेळाडू लग्नाच्या बोहल्यावर चढला आहे. अक्षर पटेल मैत्रीण मेहा पटेल हिच्याशी लग्नबंधनात अडकला आहे. गुजरातमधील वडोदरा येथे अक्षर आणि मेहाचा विवाहसोहळा पार पडला. दोघांच्या लग्नाच्या मिरवणुकीचा एक व्हिडिओ सध्या सोशल मीडियावर चांगलाच व्हायरल होत आहे.
IND vs NZ | धोनीने रांचीमध्ये हार्दिकच्या नेतृत्वातील युवा सेनेसोबत मारल्या गप्पा; VIDEO!
अक्षरच्या लग्नाची मोठ्या धुमधडाक्यात वरात निघाली, यात त्याचं कुटुंब आणि मित्रपरिवार सहभागी झाले होते. बँडबाजाच्या तालावर वराती नाचताना या व्हिडिओत दिसत आहेत. नवरदेव अक्षर कारमध्ये बसलेला या व्हिडिओत पाहिला मिळतोय. या सोहळ्यात क्रिकेटर जयदेव उनाडकटही सहभागी झाला होता. लग्नाआधी मेहंदी कार्यक्रमातील मेहाचे फोटो सोशल मीडियावर व्हायरल झाले होते. अक्षर आणि मेहा दोघेही गेल्या १० वर्षांपासून एकमेकांना ओळखतात.
मेहा ही व्यवसायाने डायटीशियन आणि न्यूट्रिशनिस्ट असून ती डायट प्लॅन शेअर करत असते. त्याचबरोबर ती लोकांशी डायटशी संबंधित माहितीही शेअर करण्याचे काम करते.