Bollywood – बॉलिवूडमध्ये नितेश तिवारीच्या रामायणाची जोरदार चर्चा आहे. या चित्रपटातील स्टारकास्टबाबत जोरदार चर्चा सुरू आहे. चित्रपटाची तयारीही जोरात सुरू आहे.
या चित्रपटात रणबीर कपूर भगवान रामाची भूमिका साकारताना दिसणार आहे. त्याचबरोबर माता सीतेपासून हनुमानापर्यंतच्या पात्रांची नावे समोर आली आहे. मात्र चित्रपटातील संपूर्ण स्टारकास्टची नावे अद्याप समोर आलेली नाहीत.
पण ॲनिमल स्टार रणबीर कपूर भगवान रामच्या भूमिकेसाठी खूप मेहनत घेत आहे. मिळालेल्या माहितीनुसार, अभिनेता त्याच्या व्यक्तिरेखेसाठी खूप मेहनत घेत आहे. त्याला कोणतीही कसर सोडायची नाही. चित्रपट फ्लोरवर जाण्यापूर्वी रणबीर स्वत:ला प्रत्येक प्रकारे तयार करत आहे. दरम्यान, रणबीर ‘रामायण’साठी त्याच्या आवाज आणि डिक्शनसाठी खास ट्रेनिंग घेत असल्याची बातमी समोर आली आहे.
चित्रपट दिग्दर्शक नितेश तिवारी यांनी ‘रामायण’साठी खास टीम तयार केली आहे. जे स्टार कास्टच्या भाषेवर आणि आवाजावर काम करेल. डिक्शन व्यतिरिक्त, चित्रपटातील प्रत्येक पात्राचे कपडे आणि फायनल लूक यावरही खूप भर दिला जात आहे.
एका रिपोर्टनुसार, नितीश तिवारी यांनी रणबीरसाठी स्पेशल डिक्शन ट्रेनर हायर केला आहे. रणबीर कपूर तासनतास त्याच्या डायलॉग्सवर काम करत आहे आणि व्हिडिओ बनवून नितीश तिवारींना पाठवत आहे.