ICC ODI World Cup 2023 Final Points Table : विश्वचषक स्पर्धेतील साखळी फेरीतील सर्व सामने संपले आहेत. 45 सामन्यांनंतर अंतिम गुणतालिकाही समोर आली आहे. सर्व नऊ सामने जिंकून टीम इंडिया पहिल्या स्थानावर आहे. त्याच वेळी, नेदरलँड सातव्या पराभवानंतर 10 व्या स्थानावर आहे. 15 नोव्हेंबरपासून बाद (नॉकआउट)फेरीचे सामने सुरू होतील. या कालावधीत दोन उपांत्य फेरी आणि एक अंतिम सामना खेळवला जाईल. या तीन सामन्यांतील गुणांचा गुणतालिकेत समावेश केला जात नाही.
बाद (नॉकआउट)फेरीपूर्वी टीम इंडियाने साखळी फेरीत सर्व नऊ प्रतिस्पर्ध्यांचा पराभव केला. ऑस्ट्रेलियाविरुद्धच्या विजयाने त्यांनी विश्वचषत स्पर्धेच्या मोहिमेची सुरुवात केली. त्यानंतर अफगाणिस्तान, पाकिस्तान, बांगलादेश, न्यूझीलंड, इंग्लंड, श्रीलंका, दक्षिण आफ्रिका आणि नेदरलँड्सचा पराभव केला. उपांत्य फेरीत मुंबईच्या वानखेडे स्टेडियमवर 15 नोव्हेंबरला भारतीय संघाचा न्यूझीलंडशी सामना होईल. तर, दुसरा उपांत्य सामना दक्षिण आफ्रिका आणि ऑस्ट्रेलिया यांच्यात 16 नोव्हेंबर रोजी कोलकात्याच्या ईडन गार्डन्सवर खेळवला जाईल.
England and Wales Cricket Board : इंग्लंड संघातून कर्णधार बटलरसह तब्बल 9 खेळाडूंना डच्चू…
भारत, दक्षिण आफ्रिका, ऑस्ट्रेलिया आणि न्यूझीलंड हे संघ गुणतालिकेत पहिल्या चारमध्ये राहिले. हे चौघेही उपांत्य फेरीसाठी पात्र ठरले. त्याचवेळी गतविजेत्या इंग्लंडला टॉप-6 मध्येही स्थान मिळवता आले नाही. त्याचा संघ सातव्या क्रमांकावर राहिला. पाकिस्तान आणि अफगाणिस्तान संघ अनुक्रमे पाचव्या आणि सहाव्या स्थानावर राहिले.
‘हे’ संघ ठरले पात्र…
1996 मध्ये विश्वचषक जिंकणारा श्रीलंकेचा संघ यावेळी नवव्या स्थानावर राहिला तर बांगलादेशचा संघ आठव्या स्थानावर राहून चॅम्पियन्स ट्रॉफी 2025 साठी पात्र ठरला. गुणतालिकेतील अव्वल आठ संघ चॅम्पियन्स ट्रॉफीमध्ये खेळतील. अशा परिस्थितीत भारत, दक्षिण आफ्रिका, ऑस्ट्रेलिया, न्यूझीलंड, पाकिस्तान, अफगाणिस्तान, इंग्लंड आणि बांगलादेश चॅम्पियन्स ट्रॉफीसाठी पात्र ठरले आहेत.
#CWC23 #INDvNED : भारतीय संघाने दिवाळीत दिली विजयाची भेट; नेदरलॅंड्‌सवर 160 धावांनी मात…
टीम इंडियाने चालू वर्ल्ड कपमध्ये सलग नववा विजय मिळवला. 2003 च्या कामगिरीत त्याने सुधारणा केली आहे. त्यावेळी भारताने सलग आठ सामने जिंकले होते. विश्वचषकात सलग सामने जिंकण्याच्या बाबतीत ऑस्ट्रेलिया अव्वल स्थानावर आहे. 2003 आणि 2007 मध्ये त्यांनी सलग 11 सामने जिंकले होते.
