मुंबई – अतिशय सामान्य कुटुंबात लहानाचा मोठा झालेला अभिनेता विकी कौशल (Vicky Kaushal)ने अल्पावधीतच सिनेसृष्टीत मोठे यश संपादन केले आहे. नुकताच त्याचा ‘जरा हटके जरा बचके’ हा चित्रपट प्रदर्शित झाला. या चित्रपटात विकीसोबत अभिनेत्री सारा अली खान (Sara Ali Khan) मुख्य भूमिकेत होती. याशिवाय त्याने ‘मसान’ आणि ‘उरी’ या सारख्या चित्रपटांमध्येहीकाम केले आहे. या चित्रपटातील त्याच्या दमदार भूमिकांचे चांगलेच कौतुक झाले होते. विशेष म्हणजे विकीने अभिनयासह सहायक सहायक दिग्दर्शक म्हणून देखील काम केले आहे. मात्र सध्या विकीच्या एका पोस्टची चांगलीच चर्चा रंगली आहे.
मूळचा पंजाबी घरातील असलेल्या विकीचे बालपण मुंबईत गेले आहे. त्यामुळे त्याला मराठी भाषा व्यवस्थित बोलता येते. नुकतेच इनस्टाग्रामवर विकिने त्याच्या आईसाठी खास मराठीतून पोस्ट केली आहे. त्याच्या या पोस्टमुळे अनेकजण त्याचे कौतुक करत आहे. विकी कौशलने आईला मिठी मारतानाचा एक फोटो शेअर करत त्याला मराठीत कॅप्शन दिले आहे. विकीने कॅप्शनमध्ये “Cutiep आई !” असे लिहिले आहे. त्याच्या पोस्टवर अभिनेत्री क्रीती सेनॉन, ऋतुजा बागवे यासारख्या अनेक कलाकारांनी कमेंट केली आहे.
View this post on Instagram
तर एका नेटकऱ्याने “तुझं कौतुक करावं तेवढं थोडंच आहे” असे म्हंटले आहे. तर दुसऱ्या एका नेटकऱ्याने “आईला ‘आई’ बोलून मन जिंकलस आमचं” असे म्हंटले आहे. विकीच्या वर्क फ्रंटबद्दल बोलायचे झाले तर, विकी लवकरच मेघना गुलजारच्या ‘सॅम बहादूर’ या चित्रपटात दिसणार आहे. याशिवाय तो ‘द ग्रेट इंडियन फॅमिली’ या चित्रपटात देखील झळकणार आहे.
