Devendra Fadnavis | फलटण उपजिल्हा रुग्णालयातील डॉक्टर तरुणी प्रकरणावरून राज्यातील राजकारण तापलं होतं. पोलीस अधिकारी गोपाळ बदने आणि स्थानिक खासदाराच्या पीएने दबाव आणल्याचं हातावरील सुसाईड नोटमध्ये लिहित या तरुणीने फलटणमधील एका हॉटेलमध्ये आत्महत्या केली होती. अशातच आता या आत्महत्या प्रकरणावर नागपूर येथे सुरू असलेल्या हिवाळी अधिवेशनात चर्चा झाली. यावेळी विधानसभेत मुख्यमंत्री देवेंद्र फडणवीस यांनी महत्त्वाची माहिती दिली आहे. फडणवीस यांनी आतापर्यंतच्या फॉरेन्सिक रिपोर्टप्रमाणे मृत महिला डॉक्टरच्या हातावरील हस्ताक्षर हे तिचंच असल्याचं समोर आल्याचं सांगितलं. शिवाय ही आत्महत्या गळफास लावून झाली आहे ती गळा दाबून झाली नसल्याचं स्पष्ट केलं. फसवणूक करून शाररीक शोषण केले विधानसभेत बोलताना मुख्यमंत्री म्हणाले, महिला डॉक्टरच्या आत्महत्येमुळे समाजात दुखाची लाट पसरली. त्यानंतर आपण एसआयटी नेमली आणि न्यायाधिशांची चौकशी समिती देखील नेमली आहे. आतापर्यंतच्या फॉरेन्सिकच्या रिपोर्टप्रमाणे तिच्या हातावरील हस्ताक्षर तिचंच असल्याचा रिपोर्ट आला आहे. आरोपींनी दबाव आणला हे खरं आहे. या केसमध्ये पोलीस अधिकारी बदनेचे चॅट्स समोर आले आहेत. त्यानुसार तिची फसवणूक करून शाररीक शोषण केल्याचं लक्षात येत आहे. मृत डॉक्टरला लग्नाचं आमिष दाखवल्याचंही लक्षात येत आहे, असं मुख्यमंत्री फडणवीस यांनी सभागृहात सांगितलं. “शिवाय त्यांनी मृत महिला मेडिकल ऑफिसर असल्यामुळे ज्यावेळी आरोपीला अटक होते. तेव्हा तो अटकेसाठी फिट आहे की नाही, यासाठी त्या रिपोर्ट द्यायच्या. काही रिपोर्ट्स हे त्या महिला डॉक्टरने अनफिट म्हणून दिले. म्हणून पोलिसांनी एक मोठं पत्र हे त्यावेळी त्यांचे वरिष्ठ आहेत त्यांना लिहिलेलं. महत्वाच्या गुन्ह्यांमधील गुन्हेगारांना अनफिटचं प्रमाणपत्र दिलं जातयं, अशी तक्रार केली होती. मग त्यावर चौकशी झाली. त्यानंतर तिनेही एक पत्र दिलं होतं. मात्र, हे जुनं प्रकरण आहे,” असं मुख्यमंत्री फडणवीस म्हणाले. Devendra Fadnavis | महिला आयपीएस अधिकाऱ्याच्या माध्यमातून चालू “आत्महत्या प्रकरणामध्ये मात्र बदनेने केलेली फसवणूक आहे. त्या परिस्थितीचा फायदा उचलून दुसऱ्या आरोपीने तिची फसवणूक केली. त्या दोघांची नावं लिहून तिने आत्महत्या केली. आतापर्यंतचे जे रिपोर्ट्स आहेत, फॉरेन्सिक रिपोर्ट आहेत, त्यानुसार गळफास लावून झालेला मृत्यू आहे. हातावर लिहिलेलं अक्षर त्या महिलेचं आहे. तपासातून समोर आलयं. तपास अजून संपलेला नाही. आरोपपत्र दाखल होईल. अनेक गोष्टी सांगण्यात आल्या आहेत. त्याची स्वतंत्रपणे चौकशी करण्यासाठी न्यायाधीशाची नेमणूक केली आहे. पोलीस तपास हा महिला आयपीएस अधिकाऱ्याच्या माध्यमातून चालला आहे,” असं मुख्यमंत्री देवेंद्र फडणवीस यांनी सभागृहाला सांगितलं. Devendra Fadnavis | हेही वाचा: “धर्मवीर 3ची स्क्रिप्ट मलाच लिहावी लागेल, कारण आनंद दिघेंच्या मृत्यूनंतर…”; एकनाथ शिंदेंचे विधान
