Swiggy IPO Plans: झोमॅटोनंतर, दुसरी फूड डिलिव्हरी कंपनी स्विगी देखील स्टॉक मार्केटमध्ये सूचीबद्ध होण्याची तयारी करत आहे. Swiggy पुढील वर्षी 2024 मध्ये बाजारात IPO लाँच करू शकते. असे मानले जाते की कंपनी आपल्या IPO च्या माध्यमातून सुमारे एक अब्ज डॉलर्स उभारण्याची तयारी करत आहे.
मनीकंट्रोलच्या अहवालानुसार, स्विगीने सात गुंतवणूक बँकांना आपला IPO लॉन्च करण्यासाठी सल्लागार म्हणून निवडले आहे. या गुंतवणूक बँकांमध्ये कोटक महिंद्रा कॅपिटल, सिटी ग्रुप आणि जेपी मॉर्गन यांचा समावेश आहे. याशिवाय बोफा सिक्युरिटीज, जेफरीज, आयसीआयसीआय सिक्युरिटीज आणि अॅव्हेंडस कॅपिटल यांचाही त्यात समावेश होऊ शकतो.
पुढील वर्षी मार्च 2024 मध्ये IPO लाँच करण्यासाठी मंजूरी मिळविण्यासाठी Swiggy शेअर बाजार नियामक सेबीकडे गोपनीय मसुदा पेपर (Draft Red Herring Prospectus) दाखल करू शकते. बाजारातील भावना चांगली राहिल्यास जुलै-ऑगस्टमध्ये IPO लाँच केला जाऊ शकतो. SEBI ने नोव्हेंबर 2022 मध्ये गोपनीय मसुदा पेपर दाखल करण्यासाठी नियम लागू केला होता. या नियमांतर्गत, टाटा प्लेने IPO लाँच करण्यासाठी SEBI कडे मसुदा कागदपत्रे दाखल करणारी पहिली कंपनी होती.
स्विगीने जानेवारी 2022 मध्ये 10.7 अब्ज डॉलर्सच्या मुल्यांकनाच्या फंडिंग फेरीत 700 दशलक्ष डाॅलर जमा केले होते. यानंतर स्विगीच्या मूल्यांकनात घसरण झाली. Invesco ने कंपनीला 5.5 बिलियन डाॅलरचे मूल्यांकन दिले होते. बॅरन कॅपिटलने 7.3 डाॅलरचे मूल्यांकन दिले. स्विगी ही सॉफ्टबँक समूह समर्थित कंपनी आहे.
2021 मध्ये, स्विगीची प्रतिस्पर्धी कंपनी झोमॅटो स्टॉक मार्केटमध्ये सूचीबद्ध झाली, याला उत्कृष्ट प्रतिसाद मिळाला. तथापि, सूचीबद्ध झाल्यापासून, झोमॅटोने अत्यंत निराशाजनक कामगिरी दर्शविली आहे. झोमॅटोने प्रति शेअर 76 रुपये या दराने IPO आणला होता. नंतर शेअर आयपीओच्या किमतीच्या खाली घसरला. पण आता हा शेअर 125 रुपयांवर व्यवहार करत आहे. Zomato चे बाजारमूल्य 1.09 लाख कोटी रुपये आहे.