Rashtriya Ekta Diwas | PM Modi | Sardar Patel – सरदार ववल्लभभाई पटेल यांच्याबाबतचा वास्तव इतिहास आजच्या पिढीने समजून घेण्याची गरज आहे. देशभरातील ५५० हून अधिक संस्थानांना एकत्र करून अखंड भारत निर्माण करण्यात त्यांनी महत्त्वाची भूमिका बजावली होती.

काश्मीरचेही एकत्रीकरण करायचे होते, परंतु पंडित नेहरूंनी त्यांची इच्छा पूर्ण होण्यापासून रोखली. काश्मीरची विभागणी वेगळ्या संविधानाने आणि वेगळ्या ध्वजाने झाली. काश्मीरवरील काँग्रेसच्या चुकीच्या आगीत देश अनेक दशकांपासून जळत आहे, असे प्रतिपादन पंतप्रधान नरेंद्र मोदी यांनी केले.

देशाचे पहिले गृहमंत्री सरदार पटेल यांचा १५० वा जयंती दिवस राष्ट्रीय एकता दिन म्हणून साजरा केला जातो. त्यानिमित्त कावेडिया येथे आयोजित एका भव्य कार्यक्रमात मोदी बोलत होते. केवडिया येथे पंतप्रधान मोदींनी सैन्य आणि पोलिसांच्या तुकड्यांनी उपस्थित असलेल्या परेडमध्ये सलामी घेतली.

पंतप्रधान मोदी म्हणाले, देशाची एकता कमकुवत करणाऱ्या कोणत्याही गोष्टीपासून प्रत्येक नागरिकाने दूर राहिले पाहिजे. हे एक राष्ट्रीय कर्तव्य आहे, सरदार साहेबांना खरी श्रद्धांजली आहे. आज देशाला याचीच गरज आहे. हाच प्रत्येक भारतीयासाठी एकता दिनाचा संदेश आणि संकल्प आहे. काॅंग्रेसनेच खुद्द पटेलांबद्दल अनेक चुकीचे विचार रुजवले होते.

मोदी म्हणाले, आज आपल्या देशाची एकता आणि अंतर्गत सुरक्षा घुसखोरांपासून गंभीर धोक्यात आहे. गेल्या अनेक दशकांपासून परदेशी घुसखोर आपल्या देशात घुसत आहेत, त्याच्या संसाधनांचा गैरफायदा घेत आहेत आणि लोकसंख्या संतुलन बिघडवत आहेत. दुर्दैवाने, मागील सरकारांनी या गंभीर मुद्द्याकडे दुर्लक्ष केले आणि त्याकडे डोळेझाक केली. मतपेटीच्या राजकारणाचा पाठलाग करत त्यांनी जाणूनबुजून देशाच्या सुरक्षेशी तडजोड केली.

पंतप्रधान म्हणाले की, आम्हाला खऱ्या लोहपुरुषाची आठवण येते, परंतु त्यांनी भारताच्या एकतेशी कधीही तडजोड केली नाही. इतिहासाने सत्याची नोंद करावी, काँग्रेस पक्षाच्या विकृत मनोवृत्तीची नाही. काही राजकीय फायद्यांसाठी हे सत्य ८६ वर्षांपासून लपवले गेले होते. इतिहासकार रिझवान कादरी यांनी हे प्रकाशात आणले. स्वातंत्र्यलढ्यादरम्यान सरदार पटेल यांनी केवळ ब्रिटिशांशीच नव्हे तर अंतर्गत विश्वासघाताशीही लढा दिला होता, हे कुणीही विसरता कामा मये.

देशसेवा करण्यात मोठा आनंद…
पंतप्रधान मोदी म्हणाले, सरदार पटेल एकदा म्हणाले होते की देशाची सेवा करण्यापेक्षा मोठा आनंद नाही. माझाही असा विश्वास आहे की देशाची सेवा करण्यासाठी स्वतःला समर्पित करण्यापेक्षा मोठा आनंद नाही. आज देशात विक्रमी संख्येने महामार्ग आणि द्रुतगती महामार्ग बांधले जात आहेत. वंदे भारत आणि नमो भारत सारख्या गाड्या भारतीय रेल्वेचे रूपांतर करत आहेत.

आता लहान शहरे देखील विमानतळ सुविधांनी जोडली जात आहेत. ही आधुनिक पायाभूत सुविधा जगाचा भारताकडे पाहण्याचा दृष्टिकोन पूर्णपणे बदलत आहे. त्यामुळे पूर्व आणि पश्चिम, उत्तर आणि दक्षिणेतील अंतर देखील कमी झाले आहे. याचे श्रेयशा दूरदृष्टीच्या नेत्यांकडे जाते.