पुणे – प्रियकराच्या (boyfriend) मागणीवरुन प्रेयसीने (Girlfriend) त्याला पाच ते सहा लोन ऍपवरुन (Loan App) कर्ज काढून दिले. मात्र ठरल्याप्रमाणे प्रियकराने हप्ते न फेडता उलट मानसिक त्रास दिला. यामुळे कर्जाच्या विळख्यात अडकलेल्या प्रेयसीने प्रियकराच्या घरातील बेडरुममध्ये (bedroom) गळफास घेत आत्महत्या (Pune Suicide Case) केली. याप्रकरणी हडपसर पोलिसांनी प्रियकराला अटक (Boyfriend arrested) केली.
आदर्श अजयकुमार मेनन (25, रा. शारदा सेंटर, मांजरी) असे आरोपीचे नाव आहे. तर राणी ऊर्फ रसिका रवींद्र दिवटे ( 25, रा. घोरपडी) असे आत्महत्या केलेल्या तरुणीचे नाव आहे. याबाबत चंदा दिवटे (वय 48,रा. घोरपडी) यांनी हडपसर पोलीस ठाण्यात (Hadapsar Police Station) फिर्याद दिली आहे. ही घटना मांजरी येथील शारदा आनन्या सेंटर येथे शुक्रवारी पहाटे 3 वाजण्याच्या सुमारास घडली.
याप्रकरणी पोलिसांनी दिलेल्या माहितीनुसार, आरोपी आदर्श मेनन आणि रसिका दिवटे यांचे जानेवारी 2023 पासून प्रेमसंबंध होते. दोघेही एका आयटी कंपनीत काम करत होते. रसिका हिने आदर्श याच्या सांगण्यावरुन वेळोवेळी क्रेडिट कार्ड, पर्सनल लोन व इतर 5 ते 6 लोन ऍपवरुन त्याला 3 लाख 75 हजार रुपये कर्ज काढून पैसे दिले होते. या कर्जाचे हप्ते आपण फेडू असे त्याने आश्वासन दिले होते.
असे असतानाही त्याने ते वेळोवेळी हप्ते फेडले नाहीत. या कारणावरुन गुरुवारी रात्री रसिका त्याच्या घरी गेली होती. त्यावेळी त्यांच्यात भांडणे झाली. कर्ज फेड करण्यास मेमन याने नकार दिल्याने बेडरुममध्ये रसिका हिने पहाटे तीन वाजण्याच्या सुमारास गळफास घेऊन आत्महत्या केली. आत्महत्येस प्रवृत्त केल्याबद्दल पोलिसांनी आदर्श मेनन याला अटक केली आहे. याप्रकरणाचा तपास पोलीस उपनिरीक्षक गांधले तपास करीत आहेत.