PCB : पाकिस्तान क्रिकेटमध्ये पुन्हा भूकंप! एकाचवेळी 3 दिग्गजांनी दिले राजीनामे, जाणून घ्या…नेमकं प्रकरण
Pakistan Cricket Board : गेल्या काही दिवसांपासून पाकिस्तान क्रिकेटमध्ये (Pakistan Cricket) सुरू असलेला गोंधळ अद्याप संपण्याची चिन्हे दिसत नाहीएत. दरम्यान, पाक संघही सातत्याने निराशाजनक कामगिरी करत आहे. न्यूझीलंड दौऱ्यावर गेलेला पाकिस्तान संघ पाच सामन्यांच्या टी-20 मालिकेत4-0 ने पिछाडीवर आहे. अशातच, आता टीमच्या तीन परदेशी प्रशिक्षकांनी आपल्या पदाचा राजीनामा दिल्याची बातमी समोर आली आहे. पाकिस्तान क्रिकेट बोर्डानेही याला दुजोरा दिला आहे.
पाकिस्तान संघाचे परदेशी प्रशिक्षक मिकी आर्थर, ग्रँट ब्रॅडबर्न आणि अँड्र्यू पुटिक यांनी राष्ट्रीय संघ आणि बोर्डासह आपल्या पदांचा राजीनामा दिला आहे. यापूर्वी गोलंदाजी प्रशिक्षक मॉर्नी मॉर्केल यांनी 2023 च्या एकदिवसीय विश्वचषकानंतर लगेच राजीनामा दिला होता.
Arthur, Bradburn and Puttick resign from their respective positions
Details here ⤵️ https://t.co/fA3HFSvICH
— PCB Media (@TheRealPCBMedia) January 18, 2024
उल्लेखनीय आहे की, 2023 च्या एकदिवसीय विश्वचषकात पाकिस्तान क्रिकेट संघाच्या खराब कामगिरीनंतर बोर्डापासून व्यवस्थापनापर्यंत सर्वांनीच खूप टीका केली होती. यानंतर पाकिस्तान संघात बदलाचा काळ सुरू झाला. त्याच वेळी, भारतात 50 षटकांच्या विश्वचषकानंतर, तीन परदेशी प्रशिक्षकांचा पोर्टफोलिओ बदलण्यात आला आणि त्यांना राष्ट्रीय क्रिकेट अकादमीमध्ये जबाबदारी देण्यात आली.
या तिघांसह गोलंदाजी प्रशिक्षक मॉर्नी मॉर्केल हे भारतात झालेल्या विश्वचषकात पाकिस्तानी संघासोबत होते. पाकिस्तानला स्पर्धेच्या बाद फेरीपर्यंतही पोहोचता आले नाही, त्यानंतर पीसीबी व्यवस्थापकीय समितीचे प्रमुख झका अश्रफ यांनी त्याला एनसीएकडे पाठवले. याला तिघांनीही नकार देत ते रजा घेऊन घरी परतले. मॉर्केलने वर्ल्डकपनंतर लगेचच राजीनामा दिला होता.
Team India : अजिंक्य रहाणेचा कसोटी संघात पुनरागमनाचा शेवटचा मार्गही झाला बंद? जाणून घ्या, कारण…
बोर्डातील एका विश्वसनीय सूत्राने सांगितले की, तिघांशीही बोलणे झाले असून त्यांना स्वतःहून राजीनामा देण्यास सांगण्यात आले आहे. करारानुसार, पीसीबीने त्याला बडतर्फ केले असते, तर त्याला सहा महिन्यांचे वेतन द्यावे लागले असते. सूत्रांनी सांगितले की, तिघांशी चर्चा यशस्वी झाली असून त्यांनी जानेवारीच्या अखेरीस त्यांनी राजीनामा देण्याचे मान्य केले होते.
