Cricket News : टी-२० विश्वचषकात (Cricket News) पाकिस्तानचा पराभव झाल्यानंतर पाकिस्तानी क्रिकेटपटू आणि पाकिस्तान क्रिकेट बोर्ड (PCB) माजी खेळाडूंच्या टीकेला सामोरे जात असतानाच, आगामी पाकिस्तान सुपर लीग (PSL) 2026 वरही मोठे संकट ओढवले आहे. पाकिस्तानातील जमात-उल-अहरार या दहशतवादी संघटनेने ऑस्ट्रेलियाचे डेव्हिड वॉर्नर, स्टीव्ह स्मिथ आणि न्यूझीलंडचा डेरिल मिचेल यांसारख्या दिग्गज विदेशी खेळाडूंना स्पर्धेत भाग घेतल्यास ‘वाईट परिणाम’ भोगावे लागतील, अशी उघड धमकी दिली आहे. माध्यमांतील वृत्तानुसार, जमात-उल-अहरारने प्रसिद्धी पत्रक जारी करून विदेशी खेळाडूंना तात्काळ PSL मधून माघार घेण्याचा इशारा दिला आहे. सोशल मीडियावर हे पत्रक मोठ्या प्रमाणात व्हायरल झाले आहे. Cricket News द संडे गार्डियनने तहरीक-ए-तालिबान पाकिस्तान (TTP) च्या जमात-उल-अहरार या गटातील एका वरिष्ठ कमांडरच्या हवाल्याने दिलेल्या वृत्तात म्हटले आहे की, “आम्ही संबंधित क्रिकेट बोर्डांना सल्ला देत आहोत की, तुमचे खेळाडू पाकिस्तानात पाठवू नका. त्यांना काही झाले तर आमची जबाबदारी नाही. आम्ही आधीच इशारा दिला आहे. सामने होऊ नयेत आणि खेळाडू खेळणार नाहीत, यासाठी आमचा पूर्ण प्रयत्न असेल.” डेव्हिड वॉर्नर आणि स्टीव्ह स्मिथची भूमिका डेव्हिड वॉर्नर : कराची किंग्ज संघाचे कर्णधारपद भूषवणार आहे. स्टीव्ह स्मिथ : मुल्तान सुलतान्स (किंवा नवीन संघ) साठी खेळणार असून, PSL मधील त्याचे हे पहिले पदार्पण असेल. स्मिथला मुल्तान संघाने ५ लाख अमेरिकन डॉलरला खरेदी केले आहे. तो PSL २०२६ मधील सर्वात महागडा विदेशी खेळाडू मानला जातो. या स्पर्धेत मार्नस लाबुशेन, मोइन अली, डेव्हॉन कॉनवे, एडम झम्पा यांसारखे अनेक आंतरराष्ट्रीय दिग्गज खेळाडू सहभागी होणार आहेत. पीएसएल २०२६ च्या आयोजनावर निर्बंध पश्चिम आशियातील युद्धजन्य परिस्थिती आणि इंधनाच्या वाढलेल्या किंमतीमुळे पाकिस्तान क्रिकेट बोर्डाने स्पर्धा बंद दाराआड (behind closed doors) भरवण्याचा निर्णय घेतला आहे. स्पर्धा केवळ लाहोर आणि कराची या दोन शहरांमध्ये खेळवली जाणार असून, प्रेक्षकांना प्रवेश दिला जाणार नाही. स्पर्धेचा उद्घाटन सोहळाही रद्द करण्यात आला आहे. स्पर्धा २६ मार्च २०२६ पासून सुरू होणार आहे. सुरक्षेचे आव्हान विदेशी खेळाडूंना धमकी मिळाल्यानंतर PCB समोर स्पर्धा सुरक्षितपणे पार पाडण्याचे मोठे आव्हान उभे राहिले आहे. स्टीव्ह स्मिथ आधीच पाकिस्तानात पोहोचल्याचे वृत्त आहे, मात्र इतर खेळाडूंच्या सहभागाबाबत अनिश्चितता कायम आहे. पाकिस्तान क्रिकेट बोर्ड सरकारच्या मार्गदर्शक सूचनांनुसार हा निर्णय घेतल्याचे सांगत आहे.
