IPL 2024 Points Table Update : आयपीएल 2024 च्या 29 व्या सामन्यात चेन्नई सुपर किंग्जने मुंबई इंडियन्सचा पराभव केला. वानखेडे स्टेडियमवर झालेल्या सामन्यात चेन्नईने 20 धावांनी विजय मिळवला. वेगवान गोलंदाज मथिशा पाथिरानाने चेन्नईसाठी आश्चर्यकारक कामगिरी केली. या सामन्यानंतर गुणतालिकेत मोठा बदल पाहायला मिळाला. चौथ्या विजयाची नोंद करणाऱ्या चेन्नईला याचा फायदा झाला, तर मोसमातील चौथा सामना गमावणाऱ्या मुंबईला मोठा फटका बसला.

या विजयानंतर चेन्नई 8 गुण आणि +0.726 च्या निव्वळ धावगतीने गुणतालिकेत तिसऱ्या स्थानावर पोहचली आहे तर पराभूत मुंबईची 4 गुण आणि -0.234 च्या निव्वळ धावगतीने आठव्या स्थानावर घसरण झाली आहे.

टॉप 4 संघ…

आतापर्यंतच्या मोसमात सर्वाधिक 5 विजय नोंदवणारा राजस्थान रॉयल्स 10 गुणांसह अव्वल स्थानावर आहे. यानंतर कोलकाता नाइट रायडर्स आणि चेन्नई सुपर किंग्ज 8-8 गुणांसह अनुक्रमे दुसऱ्या आणि तिसऱ्या स्थानावर आहेत. कोलकाताचा निव्वळ रन रेट +1.688 आहे. यानंतर सनराजर्स हैदराबाद 6 गुण आणि +0.344 च्या निव्वळ रनरेटसह चौथ्या स्थानावर आहे.

IPL 2024 (RCB vs SRH Match 30) : बेंगळुरूसमोर आज हैदराबादचे आव्हान, जाणून घ्या दोन्ही संघाचे Head to Head रेकॉर्ड…

इतर संघांची आहे अशी अवस्था…

पुढे जात, लखनौ सुपर जायंट्स आणि गुजरात टायटन्स अनुक्रमे पाचव्या आणि सहाव्या स्थानावर आहेत. लखनौचा निव्वळ रन रेट +0.038 आहे आणि गुजरातचा निव्वळ रन रेट -0.637 आहे.

Here’s how the Points Table looks like after 29 matches of #TATAIPL 2024 🙌

Does your favourite team feature in the Top 4? 🤔 pic.twitter.com/R7EPWTGyfR

— IndianPremierLeague (@IPL) April 14, 2024

यानंतर पंजाब किंग्ज, मुंबई इंडियन्स आणि दिल्ली कॅपिटल्स 4-4 गुणांसह अनुक्रमे सातव्या, आठव्या आणि नवव्या स्थानावर आहेत.पंजाबचा नेट रन रेट -0.218, मुंबईचा -0.234 आणि दिल्ली कॅपिटल्सचा नेट रन रेट -0.975 आहे. तिन्ही संघांनी आतापर्यंत 6-6 सामने खेळले आहेत.

IPL 2024 (MI vs CSK Match 29) : रोहितची शतकी खेळी व्यर्थ, चेन्नईने मुंबईला 20 धावांनी केलं पराभूूत…

रॉयल चॅलेंजर्स बंगळुरू संघ गुणतक्त्यात तळाच्या 10व्या स्थानावर आहे. बेंगळुरूने आतापर्यंत 6 सामने खेळले आहेत, ज्यामध्ये त्यांनी फक्त 1 सामना जिंकला आहे, त्यानंतर त्यांचे 2 गुण आहेत.