IPL 2024 Orange Cap Winner : आयपीएल 2024 मध्ये ट्रॉफी तसेच ऑरेंज कॅपसाठी खडतर स्पर्धा पाहायला मिळाली. यावेळी विराट कोहलीचा संघ अंतिम फेरी गाठण्यात अपयशी ठरला, पण त्यांनी अप्रतिम कामगिरी करत ऑरेंज कॅप जिंकली. विराट कोहलीने या मोसमाच्या सुरुवातीला ऑरेंज कॅपच्या शर्यतीत आघाडी घेतली होती आणि शेवटपर्यंत एकही फलंदाज त्याला मागे टाकू शकला नाही.

विराट कोहलीने यंदाच्या आयपीएलमध्ये 15 सामने खेळले. या काळात विराटने 61.75 च्या सरासरीने 741 धावा केल्या. या मोसमात त्याच्या बॅटमधून 5 अर्धशतके आणि 1 शतक झळकले. विशेष बाब म्हणजे विराट कोहलीने 154.69 च्या स्ट्राईक रेटने या धावा केल्या, ज्यात 62 चौकार आणि 38 षटकारांचा समावेश होता. या मोसमात सर्वाधिक अर्धशतके झळकावणाऱ्यांमध्ये विराट कोहली संयुक्तपणे पहिल्या स्थानावर आहे.

विराट कोहली आयपीएलमध्ये दुसऱ्यांदा ऑरेंज कॅप जिंकण्यात यशस्वी ठरला आहे. याआधी 2016 मध्ये त्याने ऑरेंज कॅप जिंकली होती. त्या मोसमात त्याने 16 सामन्यात 81.08 च्या सरासरीने 973 धावा केल्या. ज्यामध्ये 7 अर्धशतके आणि 4 शतकांचा समावेश आहे. या मोसमात फलंदाजाने केलेल्या सर्वाधिक धावाही आहेत. यासह विराट कोहली आयपीएलमधील पहिला भारतीय फलंदाज बनला आहे, ज्याने दोनदा ऑरेंज कॅप पटकावली आहे.

T20 World Cup 2024 : आयपीएल संपली, आता टी-20 वर्ल्ड कपचा थरार होणार सुरु, जाणून घ्या Team India च्या सामन्याचं संपूर्ण वेळापत्रक…

आयपीएलमध्ये ऑरेंज कॅप जिंकणाऱ्या खेळाडूंची यादी..

शॉन मार्श (2008)
मैथ्यू हैडन (2009)
सचिन तेंदुलकर (2010)
ख्रिस गेल (2011)
ख्रिस गेल (2012)
माइक हसी (2013)
रॉबिन उथप्पा (2014)
डेविड वॉर्नर (2015)
विराट कोहली (2016)
डेविड वॉर्नर (2017)
केन विलियमसन (2018)
डेविड वॉर्नर (2019)
केएल राहुल (2020)
रुतुराज गायकवाड़ (2021)
जोस बटलर (2022)
शुभमन गिल (2023)