मुंबई – मॉडेलच्या आयुष्याचाही स्वतःचा संघर्ष असतो. त्यांना अनेक अडथळे पार करावे लागतात. एक आदर्श प्रतिमा सर्वांसमोर मांडावी लागते आणि ती टिकवण्याची जबाबदारीही त्यांच्यावर असते. पण सत्य कोणापासून लपलेले नाही.
जगभरातील या सौंदर्यवतींना अनेकद त्रास सहन करावा लागतो. त्यांच्या असहायतेचा गैरफायदा घेतला जातो. असेच एक प्रकरण मिस युनिव्हर्स इंडोनेशिया स्पर्धेतून समोर आले आहे. मिस युनिव्हर्स इंडोनेशियामध्ये सहभागी झालेल्या 6 मॉडेल्सनी लैंगिक छळाबाबत पोलिसात तक्रार केली आहे.
या प्रकरणाबाबत बोलताना शोच्या आयोजकांवर महिला स्पर्धकांना फोटोसाठी टॉपलेस पोज देण्यास भाग पाडल्याचा आरोप केला आहे. मॉडेल्सचा आरोप आहे की, आयोजकांनी त्यांना सुमारे 20 लोकांसमोर टॉपलेस केले आणि त्यांचे फोटो काढण्यास सुरुवात केली. आयोजकांनी मॉडेल्सची फसवणूक केली आणि अंतिम फेरीसाठी शरीर तपासणी करावी लागेल असे सांगून त्यांना टॉपलेस केले. यावेळी महिलांचे व्हिडिओही बनवण्यात आले. इंडोनेशियामध्ये या प्रकरणाने आता राजकीय वळण घेतले आहे.
इंडोनेशिया हा इस्लामिक देश असून येथे सौंदर्य स्पर्धांना अनेक दिवसांपासून विरोध होत आहे. अशात हा विषय लोकांपर्यंत पोहोचत असल्याने सर्वांमध्येच नाराजी व्यक्त होत आहे. या प्रकरणी आयोजकांकडून प्रतिक्रिया मागितली असता त्यांच्याकडून कोणताही प्रतिसाद मिळाला नाही. यावर ना कंपनीने मालकाने काही बोलणे आवश्यक मानले ना प्रवक्त्याने यावर काही सांगितले. मात्र, आता संस्थेला जाग आली असून त्यांनी या प्रकरणाची चौकशी सुरू केल्याचेही काही वृत्तांतून समोर आले आहे.