Bandu Andekar | पुणे गँगवॉर प्रकरणातील आरोपी बंडू आंदेकर आणि त्याच्या कुटुंबियातील सदस्यांना उमेदवारी अर्ज दाखल करण्यासाठी न्यायालयाने परवानगी दिली आहे. नातू आयुष कोमकर खून प्रकरणात न्यायालयीन कोठडीत असलेला आरोपी कुख्यात बंडू आंदेकरसह त्याची भावजय लक्ष्मी आंदेकर आणि सून सोनाली आंदेकर यांना पुणे महापालिकेच्या निवडणुकीसाठी उमेदवारी अर्ज भरण्यास विशेष न्यायालयाने सशर्त परवानगी दिली. त्यानुसार, आज पोलीस बंदोबस्तात तिघांनी आपले उमेदवारी अर्ज दाखल केले आहेत. पुण्यातील भवानी पेठ क्षेत्रीय कार्यालयात अर्ज दाखल करण्यात आला आहे. या वेळी कोणतीही मिरवणूक, प्रचारयात्रा, घोषणाबाजी, सार्वजनिक भाषणे करू नये, अशी ताकीदही न्यायालयाने आरोपींना दिली आहे. Bandu Andekar | सुरुवातीला लक्ष्मी आंदेकर, सोनाली आंदेकर यांनी उमेदवारी अर्ज भरला. सोनाली व लक्ष्मी या दोघींना कोल्हापूर जेलमधून पुण्यात आणण्यात आलं आहे. या दोघींचा अर्ज भरून झाल्यानंतर बंडू आंदेकरने देखील आता अर्ज भरला आहे. Bandu Andekar | तोंडाला बुरखा, हातात दोर बांधलेला यावेळी बंडू आंदेकरच्या तोंडाला बुरखा, हातात दोर बांधलेला दिसला. ‘देखेगा काम, आंदेकर का नाम’, ‘आंदेकरला मत म्हणजे विकासाला मत’, अशा घोषणा त्याने यावेळी दिल्या. तसेच ‘मला लोकशाहीमध्ये कशापद्धतीने आणले आहे,’ असे त्याने म्हंटले आहे. दरम्यान, बंडू आंदेकर प्रभाग २२, लक्ष्मी आंदेकर आणि सोनाली आंदेकर २३ मधून उमेदवारी अर्ज दाखल करण्याची शक्यता आहे. काय आहे प्रकरण? राष्ट्रवादी काँग्रेसचा माजी नगरसेवक वनराज आंदेकरच्या खून प्रकरणात अटक आरोपी गणेश कोमकर याचा मुलगा आयुष याचा 5 सप्टेंबर रोजी नाना पेठेत गोळ्या घालून खून करण्यात आला. या प्रकरणात आंदेकर टोळीचा प्रमुख बंडू उर्फ सूर्यकांत राणोजी आंदेकर (वय ७०), लक्ष्मी उदयकांत आंदेकर (वय ६०), सोनाली वनराज आंदेकर (वय ३६, तिघे रा. नाना पेठ) यांच्यासह पंधरा आरोपी न्यायालयीन कोठडीत आहेत. त्यामध्ये बंडू आंदेकरसह माजी नगरसेविका लक्ष्मी आंदेकर आणि वनराजची पत्नी सोनाली यांना निवडणूक लढविण्यासाठी न्यायालयाने परवानगी दिली आहे. हेही वाचा: “देवाच्या कृपेने निष्पापांचे प्राण वाचले” ; बिहारमधील रोपवे अपघातावरून आरजेडीचा हल्लाबोल
