Instagram Golden Ring Award : इंस्टाग्राम गोल्डन रिंग पुरस्कार (Instagram Golden Ring Award), ज्याला फक्त “Rings” असेही म्हटले जाते, हा इंस्टाग्रामने (मेटाने) सुरू केलेला क्रिएटर्ससाठीचा पहिला जागतिक पुरस्कार आहे. हा पुरस्कार अशा 25 निवडक क्रिएटर्सना दिला जातो जे त्यांच्या सर्जनशीलतेला (creativity) आणि वेगळेपणाला न घाबरता पुढे नेतात आणि डिजिटल संस्कृतीवर प्रभाव टाकतात. सध्या या पुरस्काराची सगळीकडेच जोरदार चर्चा होताना दिसत आहे. त्यामुळे इंस्टाग्रामचा हा ‘गोल्डन रिंग पुरस्कार’ नेमका का? आणि कोणाला दिला जातो? या सर्वच गोष्टींवर आपण बोलणार आहोत… या पुरस्काराबद्दल काही महत्त्वाच्या गोष्टी : पुरस्काराचा मूळ उद्देश काय? हा पुरस्कार इंस्टाग्रामचे मूळ (Meta-owned) कार्यकारी अधिकारी अॅडम मॉसेरी (Adam Mosseri) यांनी ऑक्टोबर 2025 मध्ये सुरू केला. हा पुरस्कार केवळ फॉलोअर्सची संख्या किंवा व्हायरल होणाऱ्या ट्रेंड्सवर लक्ष केंद्रित करत नाही. त्याऐवजी, हा अशा 25 जागतिक क्रिएटर्सचा सन्मान करतो जे: सर्जनशील धोके पत्करतात आणि स्वतःच्या अनोख्या शैलीत कंटेंट तयार करतात. थोडक्यात, इंस्टाग्राम गोल्डन रिंग पुरस्कार हा क्रिएटर्सच्या मापदंडांमध्ये फॉलोअर्सच्या संख्येव्यतिरिक्त, अस्सल सर्जनशीलता आणि सांस्कृतिक प्रभावाला महत्त्व देणारा एक अनोखा सन्मान आहे. विजेत्यांना काय मिळते? विजेत्यांना त्यांच्या इंस्टाग्राम प्रोफाइल चित्राभोवती एक विशेष डिजिटल सोन्याची अंगठी (golden ring icon) मिळते, जेव्हा ते स्टोरी पोस्ट करतात, तेव्हा नेहमीच्या रंगीत रिंगऐवजी ही सोन्याची रिंग दिसते, जी त्यांना एक विशेष ओळख देते. हे लक्षात घेणे महत्त्वाचे आहे की या पुरस्कारामध्ये कोणतेही आर्थिक बक्षीस किंवा थेट पैसे दिले जात नाहीत. तसेच यामध्ये, प्रोफाइल कस्टमायझेशन किंवा थीमचा रंग बदलू शकतात. आणि ‘लाइक’ बटण वैयक्तिकृत करण्याची क्षमता यासारखी विशेष प्रोफाइल वैशिष्ट्ये देखील दिली जातात. निवड प्रक्रिया? या पुरस्कारासाठी कोणतेही अर्ज किंवा नोंदणी प्रक्रिया नाही. विजेत्यांची निवड जगभरातील प्रसिद्ध डिझायनर्स, दिग्दर्शक आणि उद्योगातील दिग्गजांचा समावेश असलेल्या आंतरराष्ट्रीय ज्युरी पॅनेलद्वारे केली जाते. हे ज्युरी सदस्य त्यांच्या आवडत्या आणि संस्कृतीवर प्रभाव टाकणाऱ्या क्रिएटर्सना नामांकित करतात आणि त्यांच्यावर मतदान करतात. ज्युरी पॅनेलमध्ये कोण आहे? – अॅडम मॉसेरी (Adam Mosseri) – इंस्टाग्रामचे सीईओ – स्पाइक ली (Spike Lee) – प्रसिद्ध चित्रपट निर्माता – मार्क जेकब्स (Marc Jacobs) – डिझायनर – पॅट मॅकग्रा (Pat McGrath) – मेकअप आर्टिस्ट – मार्केस ब्राउनली (Marques Brownlee – MKBHD) – प्रसिद्ध यूट्यूबर आणि टेक क्रिएटर भारतीय विजेते? 2025 मध्ये जाहीर झालेल्या पहिल्या 25 जागतिक विजेत्यांमध्ये विविध क्षेत्रातील (फॅशन, संगीत, विनोद, कला, खेळ) क्रिएटर सामील होते. 2025 च्या पहिल्या पुरस्कारांमध्ये, प्रसिद्ध भारतीय कंटेंट क्रिएटर ‘डॉली सिंग’ ही हा पुरस्कार मिळवणारी भारतातील एकमेव व्यक्ती ठरली. काही प्रमुख विजेते : डॉली सिंग (Dolly Singh): भारतातील पहिली आणि एकमेव विजेती, जी तिच्या विनोदी आणि संबंधित कथाकथनासाठी ओळखली जाते. झर्ना गर्ग (Zarna Garg): स्टँड-अप कॉमेडियन. कोल बेनेट (Cole Bennett): लिरिकल लेमोनेडचा संस्थापक. लाउफे (Laufey): जॅझ-पॉप संगीतकार. ‘डॉली सिंग’ कोण आहे? ‘डॉली सिंग‘ हे सोशल मीडियावर प्रसिद्ध असलेली भारतीय कंटेंट क्रिएटर, फॅशन ब्लॉगर, कॉमेडी कलाकार आणि अभिनेत्री आहेत. त्यांचा जन्म 23 सप्टेंबर 1993 रोजी उत्तराखंडमधील नैनीताल येथे झाला. तिचा प्रवास एका मध्यमवर्गीय घरातून सुरुवात झालाय, पण आज ती राष्ट्रीय व आंतरराष्ट्रीय स्तरावर ओळखली जाते. कॉमेडी आणि विनोदी व्हिडिओ रोजच्या आयुष्यातील प्रसंगांना हलक्या भाषेत मांडणे ही तिची खास शैली आहे. Dolly Singh या अवॉर्डसह तिला प्रोफाइलवर एक “डिजिटल गोल्डन रिंग” मिळाली, ज्यामुळे इंस्टाग्रामवर तिची ओळख वेगळी व विशिष्ट बनली त्यावेळी तिने म्हटले होते की, ‘हा क्षण तिच्या करिअरमधील सर्वात मोठ्या यशांपैकी एक आहे’. ‘डॉली सिंग’ने फॅशन व लाइफस्टाइल ब्लॉगिंग, व्हिडिओज, बजेट-फ्रेंडली स्टाईल टिप्स, कपड्यांचे हॅक्स, फॅशन ट्रेंड्स, बॉडी पॉझिटिविटी. वेब सिरिज / चित्रपट अभिनय पारंपरिक मीडिया आणि डिजिटल मीडिया दोन्हीतच स्वतःची छाप सोडण्याचा प्रयत्न केला आहे.
