Isha Keskar | ‘लक्ष्मीच्या पावलांनी’ मालिकेला प्रेक्षकांचा मोठा प्रतिसाद मिळत आहे. या मालिकेतील अद्वैत-कलाची जोडीला प्रेक्षकांनी भरभरून प्रेम दिलं. मालिकेत सुकन्या नावाच्या नव्या पात्राची एन्ट्री झाली आहे. या मालिकेत कलाचा अपघात झाल्याचे दाखवण्यात आला होता. ज्यानंतर कला ही व्यक्तिरेखा साकारणारी अभिनेत्री ईशा केसकर हिनं मालिका सोडल्याचं बोललं जात होतं. अखेर या चर्चा खऱ्या ठरल्या आहेत. प्रकृतीच्या कारणास्तव मालिका सोडल्याचं ईशानं एका मुलाखतीत सांगितले आहे. “सलग दोन वर्ष मी काम करत होते. जून महिन्यापासून माझ्या डोळ्याला फोड आला होता. पण मी तशीच चित्रीकरण करत होते. पण ती दुखापत वाढल्यानं डॉक्टरांनी मला काही दिवस विश्रांती घ्यायचा सल्ला दिला. मी आता विश्रांती घेतली नाही, तर भविष्यात डोळ्यावर छोटीसी शस्त्रक्रिया करावी लागेल आणि मग मी 15-20 दिवस सूर्यप्रकाशही बघू शकणार नाही. सारासार विचार करून आणि परिस्थितीचं गांभीर्य लक्षात घेत मी मालिका सोडण्याचा निर्णय घेतला. मी सप्टेंबरमध्येच मालिका सोडणार असल्याचं टीमला कळवलं होतं’, असं ईशा म्हणाली. Isha Keskar | याशिवाय तिने म्हटले की, जीवतोड मेहनत करुन आपण पैसे कमावतो पण त्याचा उपभोगच घेता येत नसेल तर काय उपयोग? म्हणून थोडं थांबायचं ठरवलं. विश्रांतीनंतर पूर्ण बरी झाल्यानंतर पुन्हा काम मी करायला सुरुवात करणार असल्याचंही ती म्हणाली. मालिकेच्या कथेवरही परिणाम झाला असता… काही महिन्यांपूर्वीसुद्धा ईशा मालिकेच्या काही भागांमध्ये दिसली नव्हती. तेव्हाही प्रकृती अस्वास्थ्यामुळे तिनं सुट्टी घेतली होती. याबद्दल ती म्हणाली, ‘मध्यंतरी चिकन गुनिया आणि अन्नातून विषबाधा असं दोन्ही झालं असल्यामुळे मी काही दिवस रजेवर गेले होते. त्यावेळी मालिकेच्या टीमनं मला खूप सांभाळून घेतलं. आता डोळ्याच्या दुखापतीमुळे मी पुन्हा त्यांच्याकडे सुट्टी मागणं मला योग्य वाटत नव्हतं. अशानं मालिकेच्या कथेवरही परिणाम झाला असता. म्हणून मालिकेतून बाहेर पडायचं ठरवलं.’ ईशा केसकरच्या कामाबद्दल बोलायचे झाल्यास तिला झी मराठीवरील ‘जय मल्हा’र या मालिकेतल्या बानूच्या भूमिकेने लोकप्रियता मिळाली. त्यानंतर तिने ‘माझ्या नवऱ्याची बायको’ या मालिकेत देखील काम केले. Isha Keskar | हेही वाचा: मॉर्निंग वॉकला गेलेल्या काँग्रेस जिल्हाध्यक्षाचे अपहरण; गाडीत जबरदस्तीने बसवले… CCTV फुटेज समोर
