खालापूर, (वार्ताहर) – इयत्ता बारावी परिक्षेत जनता कनिष्ठ महाविद्यालयामधील समृध्दी संतोष घिसरे ही विद्यार्थिनी 93.37 टक्के गुण मिळवत खालापूर तालुक्यातून प्रथम आली आहे. तसेच प.पू.गगनगिरी महाराज कनिष्ठ महाविद्यालयाचा 100 टक्के निकाल लागला.
खालापूर तालुका शिक्षण प्रसारक मंडळाच्या जनता कनिष्ठ महाविद्यालयामध्ये काँमर्स आणि सायन्स शाखेचे 952 विद्यार्थी बारावीच्या परिक्षेला बसले होते, त्यामधील 874 विद्यार्थी उत्तीर्ण झाले आहेत.
इंग्रजी काँमर्स विभागातील समृध्दी संतोष घिसरे हिने 93.37 टक्के गुण मिळवत खालापूर तालुक्यातून प्रथम आली आहे. विज्ञान विभागातील पियुष आत्माराम माळी हा विद्यार्थ्याने 90 टक्के गुण मिळविले आहे. आदित्य ओमप्रकाश पांडे याने 89 टक्के गुण मिळवत तिसरा आला आहे.
सर्व यशस्वी विद्यार्थ्यांचे खालापूर तालुका शिक्षण प्रसारक मंङळाचे अध्यक्ष संतोष जंगम, कार्यवाहक किशोर पाटील, उपाध्यक्ष अबू जळगावकर, जनता विद्यालय ज्युनिअर काँलेज अध्यक्ष दिनेश गुरव, मुख्याध्यापिका दिशा राणे, कनिष्ठ महाविद्यालयाचे उपप्राचार्य के.एम.गोरे, वसंतराव देशमुख ज्यु काँलेज अध्यक्ष उल्हासराव देशमुख, प.पू.गगनगिरी महाराज ज्युनियर काँलेज अध्यक्ष राजू अभाणी, मुख्याध्यापक गौरव तिवारी यांनी अभिनंदन केले आहे.