Parshuram Jayanti 2023 : भगवान विष्णूच्या दशावतारांपैकी एक, भगवान परशुराम यांची जयंती वैशाख महिन्याच्या शुक्ल पक्षातील तृतीया तिथीला साजरी केली जाते. अक्षय्य तृतीयेचा सणही याच दिवशी साजरा केला जातो. हिंदू कॅलेंडरनुसार, आज म्हणजेच 22 एप्रिल 2023, शनिवारी भगवान परशुरामाचा जन्मोत्सव साजरा केला जात आहे.
भगवान परशुराम हे महर्षी जमदग्नी आणि रेणुका यांचे पुत्र आणि भगवान विष्णूचे सहावे अवतार आहेत. परशुराम जन्मोत्सवाच्या दिवशी भगवान परशुरामाची पूजा केल्याने साधकाचे सर्व संकट दूर होतात, अशी श्रद्धा आहे. भगवान परशुराम यांच्याशी संबंधित अनेक मनोरंजक गोष्टी आणि कथा धर्मग्रंथ आणि वेदांमध्ये सांगण्यात आल्या आहेत. भगवान परशुराम जयंतीच्या शुभमुहूर्तावर अशाच काही रंजक गोष्टी पाहूया.
भगवान परशुराम यांच्याशी संबंधित काही मनोरंजक गोष्टी –
1 पुराणांमध्ये 8 चिरंजिवी महापुरूषांचे वर्णन केले आहे. त्यामध्ये हनुमानजी, अश्वत्थामा, कृपाचार्य, भगवान परशुराम, ऋषी मार्कंडेय, राजा बळी, महर्षी वेदव्यास आणि विभीषण यांचा समावेश आहे. म्हणजेच भगवान परशुराम हे चिरंजिवी आहेत. ते कधीही मृत्यू पावत नाहीत.
2. भगवान परशुराम यांचे बालपणीचे नाव राम होते. पण एकदा त्यांनी भगवान शंकराची घोर तपश्चर्या केली होती. तेव्हा भगवान शिव प्रसन्न झाले आणि त्यांना परशु नावाचे शस्त्र वरदान म्हणून दिले. तेव्हापासून ते परशुराम म्हणून ओळखले जाऊ लागले.
3. भगवान परशुरामांनी आपल्या वडिलांच्या आदेशाचे पालन करून आपली आई रेणुका यांचे शीर कापले होते. आपल्या मुलाची कर्तव्यनिष्ठा पाहून महर्षी जमदग्नींनीं त्यांना वरदान मागायला सांगितले. तेव्हा भगवान परशुरामांनी वरदान म्हणून पुन्हा आईचे आयुष्य मागितले होते.
4. महाभारत काळात कर्णाने भगवान परशुरामांकडून खोटे बोलून शिक्षण घेतले होते. स्वतःला ब्राह्मण म्हणवून घेणाऱ्या कर्णाने भगवान परशुरामांकडून शस्त्रास्त्रांचे ज्ञान घेतले. जेव्हा त्याला हे खोटे समजले तेव्हा त्याने कर्णाला शाप दिला की तो वेळ आल्यावर आपले सर्व ज्ञान विसरेल आणि म्हणूनच महाभारत युद्धात कर्ण आपले शस्त्रज्ञान विसरला आणि अर्जुनाने कर्णाचा वध केला.
अस्वीकरण- या लेखात समाविष्ट असलेल्या कोणत्याही माहिती/साहित्य/गणनेच्या अचूकतेची किंवा विश्वासार्हतेची हमी नाही. ही माहिती विविध माध्यमांतून/ज्योतिषी/पंचांग/प्रवचने/श्रद्धा/शास्त्रांमधून गोळा करण्यात आली आहे आणि ती तुमच्यापर्यंत पोहोचवण्यात आली आहे. आमचा उद्देश फक्त माहिती देणे हा आहे, वापरकर्त्यांनी ती केवळ माहिती म्हणून घ्यावी. पुढे, त्याचा कोणताही वापर वापरकर्त्याच्या संपूर्ण जबाबदारीवर असेल.