IPL 2024, RCB vs LSG LIVE Score : आयपीएल 2024 चा 15 वा सामना लखनौ सुपर जायंट्स आणि रॉयल चॅलेंजर्स बंगळुरू यांच्यात झाला. हा सामना बेंगळुरूच्या एम चिन्नास्वामी स्टेडियमवर खेळला गेला.

आयपीएल 2024 च्या 15 व्या सामन्यात लखनौ सुपर जायंट्सने रॉयल चॅलेंजर्स बंगलोरचा 28 धावांनी पराभव केला. लखनौच्या या विजयाचा हिरो होता वेगवान गोलंदाज मयंक यादव. स्पीड स्टार मयंकने कॅमेरून ग्रीन, रजत पाटीदार आणि ग्लेन मॅक्सवेलला बाद केले. लखनौने प्रथम खेळून बंगळुरूला 182 धावांचे लक्ष्य दिले होते. प्रत्युत्तरात आरसीबी अवघ्या 153 धावांत गारद झाला. या मोसमात आरसीबीचा घरच्या मैदानावरील हा तिसरा पराभव आहे. लखनौचा हा दुसरा विजय आहे.

मयंक यादवने पुन्हा एकदा कहर केला आणि तीन बळी घेतले. गेल्या सामन्यातही त्याने पंजाब किंग्जविरुद्ध तीन विकेट घेत सामना जिंकूूून दिला होता. त्याला सलग दुसऱ्या सामन्यात सामनावीराचा पुरस्कार देण्यात आला.

कोहली 16 चेंडूत 22 धावा करून बाद झाला. यानंतर विकेट्सची झुंबड उडाली. फॅफ डुप्लेसिस 19 धावा करून बाद झाला.अनुज रावत 11 धावा करून बाद झाला, तर दिनेश कार्तिक चार धावा करून बाद झाला. महिपाल लोमररने 13 चेंडूत तीन चौकार आणि तीन षटकारांच्या मदतीने 33 धावांची खेळी खेळली, पण तो आपल्या संघाला विजयापर्यंत नेऊ शकला नाही. मयंक डागर खाते उघडू शकला नाही. रीस टोपलीला तीन धावा करता आल्या.

लखनौकडून मयंकशिवाय नवीन उल हकने दोन बळी घेतले. तर एम सिद्धार्थ, यश ठाकूर आणि मार्कस स्टॉइनिस यांनी प्रत्येकी एक विकेट घेतली.

तत्पूर्वी, या सामन्यात आरसीबीने नाणेफेक जिंकून प्रथम गोलंदाजी करण्याचा निर्णय घेतला. यादरम्यान प्रथम फलंदाजी करण्यासाठी आलेल्या लखनौ सुपर जायंट्सने 20 षटकांत 5 गडी गमावून 181 धावा केल्या होत्या.

Innings Break!

A solid innings from Quinton de Kock & a fine finish from Nicholas Pooran 👏👏#LSG set a target of 1️⃣8️⃣2️⃣ for #RCB

Will be chased or will #LSG get their 2nd win on the trot? 🤔

Scorecard ▶️ https://t.co/ZZ42YW8tPz#TATAIPL | #RCBvLSG pic.twitter.com/6uJZpYxFOb

— IndianPremierLeague (@IPL) April 2, 2024

लखनौसाठी क्विंटन डी कॉकने 56 चेंडूत 81 धावांची स्फोटक खेळी खेळली. त्याच्या बॅटमधून 8 चौकार आणि 5 षटकार आले. क्विंटन डी कॉकने 36 चेंडूत आपल्या आयपीएल कारकिर्दीतील 22 वे अर्धशतक झळकावले. या खेळीत अनेक चढ-उतार पाहायला मिळाले. एके काळी 14व्या षटकात लखनौची धावसंख्या 130 धावा होती. त्यानंतर लखनौ 200 चा टप्पा पार करेल असे वाटत होते, पण त्यानंतर आरसीबीच्या गोलंदाजांनी जोरदार पुनरागमन केले आणि लखनौची 18 षटकात 5 बाद 148 अशी स्थिती झाली होती. त्यावेळी धावसंख्या 170 पर्यंतच पोहोचेल असे वाटत होते, पण त्यानंतर पुरनने षटकारांचा वर्षाव केला. पुरन 21 चेंडूत 40 धावा करून नाबाद परतला. त्याच्या बॅटमधून एक चौकार आणि 5 षटकार आले.

याव्यतिरिक्त कर्णधार केएल राहुल 14 चेंडूत 20 धावा करून बाद झाला. देवदत्त पडिक्कलला 11 चेंडूत सहा धावा करता आल्या. मार्कस स्टॉइनिस 15 चेंडूत 24 धावा करून बाद झाला. आयुष बडोनीला खातेही उघडता आले नाही. लखनौने शेवटच्या पाच षटकांत दोन गडी गमावून 50 धावा केल्या. यामध्ये 19व्या षटकात 20 आणि 20व्या षटकात 13 धावांचा समावेश आहे.

IPL 2024, Mumbai Indians : पांड्याचा होणार पत्ता कट, रोहित पुन्हा संभाळणार मुंबईची धुरा ..! माजी दिग्गज खेळाडूचा मोठा दावा

बेंगळुरूकडून मॅक्सवेलने सर्वाधिक दोन बळी घेतले. त्याने 4 षटकात 23 धावा दिल्या. तर यश दयाल, रीस टॉप्ली आणि मोहम्मद सिराजनं प्रत्येकी 1 गडी बाद केला.