Hardik Pandya : ‘भाड में जा…!’, सेल्फी न दिल्याने संतापला चाहता, मग हार्दिक पंड्याने पुढे काय केलं? पाहा VIDEO
Hardik Pandya video viral : भारतीय संघाचा स्टार ऑलराउंडर हार्दिक पंड्या सध्या त्याच्या कारकिर्दीतील सुवर्णकाळातून जात आहे. दक्षिण आफ्रिकेविरुद्धच्या टी-२० मालिकेत बॅट आणि बॉलने चमकदार कामगिरी केल्यानंतर हार्दिक सध्या आपल्या कुटुंबासोबत वेळ घालवत आहे. मात्र, गुरुवारी दिल्लीतील एका घटनेमुळे हार्दिकच्या संयमाची जोरदार चर्चा रंगली आहे. ज्याचा व्हिडीओ व्हायरल होत आहे.
नेमकं काय घडलं?
मिळालेल्या माहितीनुसार, हार्दिक पंड्या गुरुवारी त्याची मैत्रीण माहिका शर्मासोबत दिल्लीतील एका प्रसिद्ध रेस्टॉरंटमध्ये डिनरसाठी गेला होता. हार्दिक रेस्टॉरंटमधून बाहेर पडताच त्याला पाहण्यासाठी चाहत्यांची मोठी गर्दी जमली. हार्दिकने सुरुवातीला अत्यंत संयमाने चाहत्यांना सेल्फी दिले आणि त्यानंतर आपल्या गर्लफ्रेंडला सुरक्षितपणे कारमध्ये बसवले.
चाहता हार्दिकवर संतापला –
𝗚𝘂𝘆𝘀, 𝘁𝗵𝗶𝘀 𝗶𝘀 𝗴𝗲𝘁𝘁𝗶𝗻𝗴 𝗧𝗢𝗢 𝗠𝗨𝗖𝗛 🤬🙏
A fan tried to approach Hardik Pandya for a selfie but couldn’t get close.
𝗙𝗮𝗻: 𝗕𝗛𝗔𝗔𝗗 𝗠𝗘 𝗝𝗔𝗢 (Go to Hell) 😡
𝗛𝗮𝗿𝗱𝗶𝗸: Either didn’t hear it, or heard it and chose to ignore.
This incident happened… pic.twitter.com/B929w11Iwi
— Jara (@JARA_Memer) December 25, 2025
मात्र, त्यानंतर काही चाहत्यांना सेल्फी दिली. परंतु यानंतर गर्दी प्रचंड वाढल्याने प्रत्येक चाहत्याला सेल्फी देणे हार्दिकला शक्य झाले नाही. जेव्हा हार्दिक आपल्या कारच्या दिशेने जाऊ लागला, तेव्हा सेल्फी न मिळाल्याने एक चाहता चांगलाच संतापला. त्या चाहत्याने रागाच्या भरात हार्दिकला मागून “भाड में जाओ” असे ओरडून सुनावले.
मैदानावरही हार्दिकचा जलवा –
मैदानात अत्यंत आक्रमक राहणाऱ्या हार्दिकने याकडे पूर्णपणे दुर्लक्ष केले. त्याने या कृत्यावर कोणतीही प्रतिक्रिया न देता तिथून निघून जाणे पसंत केले. हार्दिकने दाखवलेल्या या कमालीच्या संयमाचे सोशल मीडियावर सध्या खूप कौतुक होत आहे. ही घटना अशा वेळी घडली आहे जेव्हा हार्दिक जबरदस्त फॉर्ममध्ये आहे. दक्षिण आफ्रिकेविरुद्धच्या मालिकेत त्याने निर्णायक भूमिका बजावली होती. मालिकेतील अखेरच्या सामन्यात त्याने अवघ्या १६ चेंडूत अर्धशतक झळकावून प्रतिस्पर्धी संघाला बॅकफुटवर ढकलले होते.
हेही वाचा – Shreyas Iyer Injury : श्रेयस अय्यरच्या दुखापतीबाबत मोठी अपडेट आली समोर; मैदानात कधी परतणार? जाणून घ्या
कॅमेरामनला लागला होता चेंडू –
याच मालिकेतील पाचव्या सामन्यादरम्यान हार्दिकची आक्रमकता एका वेगळ्या कारणाने चर्चेत आली होती. हार्दिकने मारलेला एक वेगवान षटकार थेट मैदानावरील कॅमेरामनच्या हाताला लागला. ही दुखापत इतकी गंभीर होती की भारतीय डगआउटमधील असिस्टंट कोच रयान टेन डोशेट यांनीही यावर काळजी व्यक्त केली होती. सध्या हार्दिक त्याच्या खेळामुळे आणि आता मैदानाबाहेर दाखवलेल्या या समंजसपणामुळे क्रीडाप्रेमींच्या गळ्यातील ताईत बनला आहे.
