Rishabh Pant Record : जगातील कोणताही यष्टीरक्षक करू शकला नाही, ते ऋषभ पंतने करून दाखवलं! एकाच खेळीत केले दोन मोठे पराक्रम
Rishabh Pant World Record : न्यूझीलंजविरुद्धच्या पहिल्या कसोटी सामन्याच्या तिसऱ्या दिवशी ५५ धावांची नाबाद खेळी करून एका मोठा जागतिक विक्रमाला गवसणी घातली आहे.

Rishabh Pant World Record IND vs NZ 1st Test : भारत आणि न्यूझीलंड यांच्यातील पहिला कसोटी सामना वेलिंग्टन येथे खेळला जात आहे. या सामन्याच्या तिसऱ्या दिवशी भारतीय यष्टीरक्षक-फलंदाज ऋषभ पंतने जागतिक विक्रमाला गवसणी घातली आहे. तिसऱ्या दिवसाचा खेळ संपेपर्यंत पंतने अवघ्या ६२ चेंडूत नाबाद ५५ धावांची तुफानी खेळी साकारत भारताची स्थिती मजबूत केली. या खेळीसोबतच परदेशी भूमीवर यष्टीरक्षक-फलंदाज म्हणून सर्वाधिक कसोटी धावा करण्याचा विश्वविक्रम त्याने आपल्या नावावर केला असून, ऑस्ट्रेलियाचा दिग्गज अॅडम गिलख्रिस्टला मागे टाकले आहे.
ऋषभ पंतने धोनी-गिलख्रिस्टला टाकलं मागे –
प्रतिस्पर्धी संघांच्या घरच्या मैदानावर खेळल्या गेलेल्या कसोटी सामन्यांत ऋषभ पंतच्या नावावर आता ३६ सामन्यांच्या ६३ डावांत एकूण २,५४४ धावा जमा झाल्या आहेत. या एकाच डावाच्या जोरावर पंतने दोन महान यष्टीरक्षकांना मागे टाकलं. त्याने सर्वप्रथम भारताचा माजी कर्णधार महेंद्रसिंग धोनीचा (४८ सामन्यांत २,४९६ धावा) विक्रम मोडला आणि त्यानंतर अॅडम गिलख्रिस्टचा (३८ सामन्यांत २,५१२ धावा) प्रदीर्घ काळापासून अबाधित असलेला विश्वविक्रम मोडत अव्वल स्थान पटकावले.
सर्फराझ अहमदचा विक्रम मोडण्याचीही सुवर्णसंधी –
Rishabh Pant now holds the record for most runs by a wicketkeeper in away Tests (excluding neutral) – 2544 runs, going past Adam Gilchrist’s 2512.
If neutral Tests are included, Sarfaraz Ahmed is still on top with 2696, with Gilchrist (2634) and Pant (2589) behind him. https://t.co/ZcELUMt0OP
— Abdul Rehman Yaseen (@Aryaseen5911) November 21, 2026
जर परदेशी मैदानांसह तटस्थ (न्यूट्रल) मैदानांवरील कसोटी सामन्यांचाही विचार केला, तर मायदेशाबाहेर सर्वाधिक धावा करण्याचा एकूण विक्रम सध्या पाकिस्तानचा माजी कर्णधार सर्फराझ अहमदच्या (५२ सामन्यांत २,६९६ धावा) नावावर आहे. या यादीत अॅडम गिलख्रिस्ट (२,६३४ धावा) दुसऱ्या, तर ऋषभ पंत तिसऱ्या स्थानी आहे. पंत तिसऱ्या दिवशी नाबाद परतल्याने, चौथ्या दिवशी मोठी खेळी करून या दोघांनाही मागे टाकत नंबर-१ बनण्याची सुवर्णसंधी त्याच्याकडे असेल.
वर्ल्ड टेस्ट चॅम्पियनशिपमध्ये ३,००० धावांचा टप्पा पूर्ण –
Two contrasting styles, one elite club 🙌
@ShubmanGill and @RishabhPant17 become the first two Indians respectively to cross the 3000-run mark in the ICC World Test Championship 👏
#TeamIndia | #NZvIND https://t.co/RWVQyzguFW
— BCCI (@BCCI) November 21, 2026
या ऐतिहासिक खेळीदरम्यान ऋषभ पंतने वर्ल्ड टेस्ट चॅम्पियनशिपच्या (WTC) इतिहासात आपले ३,००० धावांचे शिखरही सर केले आहे. अशी कामगिरी करणारा तो शुबमन गिलनंतर भारताचा केवळ दुसरा फलंदाज ठरला आहे. विशेष म्हणजे, संपूर्ण जागतिक क्रिकेटमध्ये डब्ल्यूटीसी स्पर्धेत तीन हजार धावांचा टप्पा ओलांडणारा तो पहिलाच यष्टीरक्षक-फलंदाज बनला असून, त्याच्या या पराक्रमाचे सर्वत्र कौतुक होत आहे.





