Nikhil Chaudhary Australia : कोरोनात ऑस्ट्रेलियात अडकला अन् नशीब पालटलं! दिल्लीच्या पठ्ठ्याने कांगारूंच्या संघातून खेळत इंग्लंडला केलं उद्ध्वस्त
Nikhil Chaudhary Australia : इंग्लंडविरुद्धच्या पहिल्या टी२० सामन्यात दोन बळी घेत अर्धशतक झळकावल्याबद्दल निखिल चौधरीला सामनावीर पुरस्कार मिळाला. तो कोण आहे? त्याच्याबद्दल जाणून घेऊया.

Nikhil Chaudhary scores 66 and takes 2 wickets to power Australia : दिल्लीत जन्मलेल्या भारतीय वंशाच्या निखिल चौधरीच्या अष्टपैलू कामगिरीच्या जोरावर ऑस्ट्रेलियाने इंग्लंडविरुद्धच्या पहिल्या टी-२० सामन्यात ३ गडी राखून रोमांचक विजय मिळवला आहे. या सामन्यात निखिलने प्रथम गोलंदाजीत आपली चमक दाखवत ४ षटकांत अवघ्या २१ धावा देऊन २ महत्त्वाचे विकेट्स घेतले. त्यानंतर फलंदाजीतही वादळी पवित्रा घेत ३८ चेंडूत ६६ धावांची मॅचविनिंग खेळी साकारली. या जबरदस्त कामगिरीबद्दल त्याला सामनावीर पुरस्काराने गौरवण्यात आले.
आई-वडिलांसमोर एमसीजीवर सामनावीर होण्याचा अभिमान –
सामनावीर पुरस्कार स्वीकारल्यानंतर निखिल चौधरीने आपला आनंद व्यक्त केला. ऐतिहासिक मेलबर्न क्रिकेट ग्राउंडवर (MCG) ऑस्ट्रेलियाकडून खेळताना सामनावीर ठरेन, असा कधी विचारही केला नव्हता, असे त्याने सांगितले. काल रात्रीच माझे आई-वडील भारतातून येथे आले आहेत आणि त्यांनी मला प्रत्यक्ष मैदानावर खेळताना पाहण्याचा हा पहिलाच प्रसंग आहे. त्यांच्यासमोर सामनावीर होण्यापेक्षा मोठा आनंद कोणताच असू शकत नाही, अशा भावना निखिलने व्यक्त केल्या.
ऑस्ट्रेलियाच्या भूमीवर पहिलाच आंतरराष्ट्रीय सामना –
❤️A SPECIAL MOMENT FOR NIKHIL CHAUDHARY!🏏
“My parents came over from India to Australia for the first time. Nothing’s better than playing so well in front of your parents and winning the Man of the Match.”
🏆 A match-winning performance made even more memorable with his parents watching! ❤️
Source: Cricinfo
#NikhilChaudhary #AUSvsENG
— CricInformer (@CricInformer) November 21, 2026
निखिल चौधरीचा ऑस्ट्रेलियाच्या भूमीवर हा पहिलाच आंतरराष्ट्रीय सामना होता. यापूर्वी त्याने जून २०२६ मध्ये बांगलादेशविरुद्ध टी-२० पदार्पण केले होते आणि ती मालिका ऑस्ट्रेलियाने ३-० ने जिंकली होती. मात्र, ऑस्ट्रेलियात आपल्या घरच्या मैदानावर खेळण्याची त्याची प्रदीर्घ इच्छा होती. एमसीजीसारख्या मोठ्या मैदानावर खेळून संघाला विजय मिळवून देणे हे स्वप्नवत असल्याची प्रतिक्रिया त्याने दिली.
पंजाबसाठी देशांतर्गत क्रिकेट आणि आयपीएलचा अनुभव –
Indian winninwtches for Australia
Look at one handed sex by Nikhil…
#AUSvsENG
#Cricket https://t.co/KBQIZqV5gZ— Atul Singh (@atulsingh9018) November 21, 2026
ऑस्ट्रेलियाकडून आंतरराष्ट्रीय क्रिकेट खेळणारा निखिल हा भारतीय वंशाचा तिसरा पुरुष क्रिकेटपटू आहे. ४ मे १९९६ रोजी दिल्लीत जन्मलेल्या निखिलने २०१७ ते २०१९ दरम्यान पंजाबकडून १२ सय्यद मुश्ताक अली आणि २ विजय हजारे ट्रॉफी सामने खेळले आहेत. शुबमन गिल, अभिषेक शर्मा आणि हरभजन सिंग यांच्यासोबत ड्रेसिंग रूम शेअर करणारा निखिल आयपीएलमध्ये दिल्ली कॅपिटल्स संघाचाही भाग राहिला आहे.
कोरोना लॉकडाऊनने बदलले निखिलच्या आयुष्याचे वळण –
Pure goosebumps! From Delhi to winning his first international Player of the Match award at the MCG (66 & 2/21) right in front of his parents who flew in from India to watch him live. What a dream come true for Nikhil Chaudhary! 🫶🏏 #AUSvENG https://t.co/AFbioOnwQX
— Sandy (ಸಂದೀಪ Daspalle) (@SandeepDSP5) November 21, 2026
२०२० मध्ये कोरोना महामारीच्या काळात निखिल आपल्या काकांना भेटण्यासाठी क्वींसलँडला गेला होता, परंतु आंतरराष्ट्रीय सीमा बंद झाल्यामुळे तो तिथेच अडकला. या कठीण प्रसंगानंतर त्याने ऑस्ट्रेलियातच क्रिकेट कारकीर्द घडवण्याचा निर्धार केला. ग्रेड क्रिकेट, तस्मानिया आणि बिग बॅश लीगमध्ये होबार्ट हरिकेन्सकडून केलेल्या दमदार कामगिरीच्या बळावर त्याने थेट ऑस्ट्रेलियाच्या राष्ट्रीय संघात स्थान मिळवले.





