लंडन – जंगलांना आग लागण्याची प्रक्रिया एक सर्वसामान्य नैसर्गिक घटना मानली जाते नैसर्गिकरित्या लागलेल्या आगीला वणवा असे म्हणतात नुकत्याच ॲमेझॉनच्या जंगलात आणि ऑस्ट्रेलियाच्या जंगलात असे वणवे पेटल्याने मोठ्या प्रमाणात नुकसान झाले होते आता संशोधकांना 43 कोटी वर्षांपूर्वी लागलेल्या एका वणव्याचे अवशेष सापडले आहेत पोलंड आणि वेल्स प्रदेशात या आगीचे अवशेष संशोधकांना सापडले आहेत.
या ठिकाणी सापडलेल्या कोळश्याचे संशोधन केले असता तो किमान 43 कोटी वर्षे जुना असल्याचे संशोधकांच्या लक्षात आले आणि एखाद्या आगीमुळे किंवा वणव्यामुळेच हा कोळसा तयार झाला असावा असा निष्कर्ष संशोधकांनी काढला आहे 43 कोटी वर्षापूर्वी जंगलात वाढलेल्या एका बुरशीला आग लागून हा कोळसा तयार झाल्याचा दावाही संशोधकांनी केला आहे त्या कालावधीमध्ये बुरशीचा आकारही एवढा प्रचंड असू शकेल असे संशोधकांनी म्हटले आहे.
अमेरिकेतील कोलबी कॉलेजमधील संशोधकांनी हा शोध लावला आहे 43 कोटी वर्षांपूर्वी वनस्पती वाढण्यासाठी फक्त पावसाचे पाणीच उपयुक्त ठरत होते ज्या ठिकाणी संशोधकांना हे वणव्यचे अवशेष सापडले आहेत त्याठिकाणी वनस्पती नव्हती तर तेथे एक महाकाय अशी बुरशी होती आणि बुरशीला आग लागल्यानंतरच जे कोळसे निर्माण झाले त्याचे अवशेष संशोधकांना सापडले आहेत प्रोटेक्सताइस नावाच्या या बुरशीची उंची नऊ मीटर पर्यंत वाढू शकत होती असे संशोधकांनी म्हटले आहे.
एखाद्या झाडाच्या उंचीची ही बुरशी ही खरोखरच आश्चर्यचकित करणारी गोष्ट असून याबाबत अधिक संशोधन करण्याची गरजही संशोधकांनी व्यक्त केली आहे त्या काळात वातावरणातील ऑक्सिजनचे प्रमाण किती होते हे सुद्धा या आगीच्या पुराव्यांमुळे समोर आले आहे जेव्हा कोठेही नैसर्गिक रित्या वणवा पेटतो तेव्हा यासाठी इंधन म्हणून लाकूड लागते शिवाय आकाशातील वीज जर या झाडांवर पडली तर आग पेटू शकते आणि हवेतला ऑक्सिजनच्या साह्याने ती आग जिवंत राहू शकते अशी माहिती संशोधकांनी दिली आहे.