यातच आता शिवसेना (उद्धव बाळासाहेब ठाकरे) पक्षाचे नेते व राज्यसभा खासदार संजय राऊत यांनी एक खळबळजनक आरोप केला आहे. उद्धव ठाकरेंनी राम मंदिरासाठी दान केलेली ४ किलो चांदीची वीट आणि एक कोटी रुपये बेपत्ता असल्याचा सवाल त्यांनी उपस्थित केला आहे. (Ram Mandir donation scam)

संजय राऊत यांनी अधिकृत सोशल मीडिया प्लॅटफॉर्मवर पोस्ट करत म्हटले की, राम मंदिराच्या बांधकामासाठी शिवसेनेकडून ४ किलो चांदीची वीट हजारो शिवसैनिक आणि संतांच्या उपस्थितीत दान करण्यात आली होती.  (Ram Mandir donation scam)

मात्र, इतकी वर्षे होऊनही राम मंदिर ट्रस्टकडून या देणगीबाबत कोणतीही पावती किंवा माहिती अद्याप मिळालेली नाही. त्यामुळे हे पैसे आणि चांदीची वीट नेमकी गेली कुठे, असा प्रश्न विचारत त्यांनी या प्रकरणाची सखोल चौकशी करण्याची मागणी केली आहे. (Ram Mandir donation scam)

Ram Mandir donation scam : उद्धव ठाकरेंनी राम मंदिरासाठी दान केलेली चांदीची वीट कुठे? संजय राऊत यांचा थेट सवाल

माध्यमांशी बोलताना राऊतांनी अधिक आक्रमक पवित्रा घेत, स्वतःला हिंदुत्ववादी म्हणवून घेणारेच मंदिरात आणि दानपेटीत चोरी करत असल्याची खोचक टीका केली. तसेच या गैरव्यवहारातील मुख्य दोषी अजूनही ट्रस्टमध्ये कार्यरत असल्याचा आरोपही त्यांनी केला.  (Ram Mandir donation scam)

दरम्यान, राम मंदिरातील देणग्यांमधील या कथित गैरव्यवहार आणि चोरी प्रकरणाची उत्तर प्रदेश सरकारने एसआयटी मार्फत चौकशी करण्याचे आदेश दिले आहेत. या पार्श्वभूमीवर संजय राऊत यांच्या या नव्या आरोपांमुळे राम मंदिर देणगीचा वाद आता अधिकच चिघळण्याची शक्यता निर्माण झाली आहे. (Ram Mandir donation scam)