ACB Action : पालघर जिल्ह्यातील वसई विरार परिसरातून भ्रष्टाचाराविरोधातील मोठी कारवाई समोर आली आहे. एसीबी ने पेल्हार ग्रामपंचायतच्या ग्राम महसूल अधिकारी उज्वला प्रवीण पाटील यांना ४५ हजार रुपयांची लाच स्वीकारताना रंगेहाथ अटक केली आहे. (ACB Action)

काय आहे प्रकरण?

एसीबीकडून मिळालेल्या माहितीनुसार, तक्रारदाराने केलेल्या रूम बांधकामाचा पंचनामा न करण्यासाठी उज्वला प्रवीण पाटील यांनी ४५ हजार रुपयांची मागणी केली होती. (ACB Action)

तसेच मौजे बिलालपाडा येथील सर्व्हे क्रमांक १३/०३ वरील माती भरणीच्या पंचनाम्यासंदर्भात आणखी १ लाख ५० हजार रुपयांची मागणी करण्यात आल्याचे तपासात समोर आले. अशाप्रकारे एकूण १ लाख ९५ हजार रुपयांची लाच मागितल्याचा आरोप आहे. (ACB Action)

एसीबीचा सापळा आणि रंगेहाथ अटक

तक्रारदाराने एसीबीकडे तक्रार दाखल केल्यानंतर अधिकाऱ्यांनी पडताळणी करून सापळा रचला. त्यानुसार लाचेच्या रकमेतील पहिला हप्ता असलेले ४५ हजार रुपये स्वीकारताना अधिकाऱ्यांनी उज्वला प्रवीण पाटील यांना रंगेहाथ पकडले. (ACB Action)

गुन्हा दाखल करण्याची प्रक्रिया सुरू

या प्रकरणी पेल्हार पोलीस ठाण्यात भ्रष्टाचार प्रतिबंधक कायदा १९८८ (सुधारित अधिनियम २०१८) कलम ७ अंतर्गत गुन्हा दाखल करण्याची प्रक्रिया सुरू आहे. या कारवाईनंतर वसई-विरार परिसरातील ग्रामपंचायत आणि महसूल विभागात मोठी खळबळ उडाली असून एसीबीच्या या धडक कारवाईची जोरदार चर्चा सुरू आहे. (ACB Action)