IND vs SA 3rd T20 : भारतासाठी आज ‘करो या मरो’! हरलो तर 8 वर्षांनंतर दक्षिण आफ्रिकेविरुद्ध…
India Vs South Africa 3rd T20I : गेल्या पाच वर्षांपासून भारतीय संघाचे दक्षिण आफ्रिकेवर असलेले टी-20मधील वर्चस्व धोक्यात आले आहे. दुसरा टी-20 गमावल्यानंतर 0-1 अशा पिछाडीवर असलेल्या भारतीय संघाला गुरुवारी तिसरा आणि अंतिम सामना जिंकणे आवश्यक आहे. हा सामना जिंकून भारताला मालिकेत 1-1 अशी बरोबरी साधता येणार आहे.
भारतीय संघ हरला तर आठ वर्षांनंतर प्रथमच दक्षिण आफ्रिकेविरूध्द टी-20 मालिका गमावेल. दक्षिण आफ्रिकेने 2015-16 मध्ये भारतात शेवटची टी20 मालिका 2-0 ने जिंकली होती. आतापर्यंत भारताने आफ्रिकेत तीन सामन्यांची एकही टी-20 मालिका गमावलेली नाही.
गोलंदाजांनी कामगिरीने केले निराश…
गकेबरहा येथील सेंट जॉर्जेस पार्क स्टेडियमवर खेळल्या गेलेल्या दुसऱ्या टी-20 सामन्यात भारतीय गोलंदाजांची दयनीय कामगिरी झाली. अर्शदीप सिंग आणि मुकेश कुमार यांनी अपेक्षेप्रमाणे कामगिरी केली नाही. दोघांनी 15.50 आणि 11.33 धावा प्रति षटकाच्या इकॉनॉमीने धावा दिल्या. वडिलांची तब्येत खराब असल्याने दीपक चहर खेळत नाही.
ऑस्ट्रेलियाविरुद्धच्या पाचव्या आणि शेवटच्या T20 मध्ये अर्शदीपने शानदार अंतिम षटक टाकले, पण त्याच्यात सातत्याचा अभाव होता. एक वर्ष चार महिन्यांनंतर आंतरराष्ट्रीय टी-20 खेळणारा रवींद्र जडेजा दुसऱ्या टी-20मध्येही अपेक्षेप्रमाणे कामगिरी करू शकला नाही. अंतिम सामन्यात त्याला चांगला फॉर्म साधावा लागेल. मुकेशला त्याचा वेग आणखी वाढवायचा आहे. ऑस्ट्रेलियाविरुद्ध त्याने निश्चितपणे चार विकेट घेतल्या, पण प्रति षटक 9.12 धावाही दिल्या.
सलामीच्या जोडीला करावी लागेल चांगली सुरुवात…
सलामीवीर यशस्वी जैस्वाल आणि शुभमन गिल यांना दुसऱ्या सामन्यात खेळपट्टीच्या उसळीशी जुळवून घेता आले नाही. दोन्ही फलंदाज खाते न उघडताच बाद झाले. भारताला मालिकेत बरोबरी साधायची असेल तर सलामीच्या जोडीने चांगली कामगिरी करणे आवश्यक आहे. ऋतुराज गायकवाड आजारी आहे. जर तो ठीक असेल तर त्याला ओपनिंगमध्ये संधी दिली जाऊ शकते. याशिवाय जितेशच्या जागी इशान किशन यष्टीरक्षक फलंदाज म्हणून खेळू शकतो. त्याचबरोबर तिलकच्या जागी श्रेयस अय्यरला तर कुलदीपच्या जागी रवी बिश्नोईला संधी दिली जाऊ शकते. दुसऱ्या T20 मधील सकारात्मक बाजू म्हणजे रिंकू सिंग आणि कर्णधार सूर्यकुमार यादव यांची फलंदाजी. दोन्ही फलंदाजांनी अनुक्रमे 68 आणि 56 धावांची खेळी केली.
चांगली गोष्ट म्हणजे या मैदानावर भारताची कामगिरी क्रिकेटच्या तिन्ही फॉरमॅटमध्ये चांगली झाली आहे. भारताने या मैदानावर चार टी-20 सामने खेळले आहेत, ज्यामध्ये तीन जिंकले आहेत आणि एक पराभव झाला आहे. यानंतर विश्वचषकाच्या तयारीसाठी दोन्ही संघांकडे फक्त चार टी-20 सामने शिल्लक आहेत.
भारत तिसरा सामना खेळेल तेव्हा दक्षिण आफ्रिकेविरूध्द काहीसा मानसिक फायदाही मिळेल. कारण दक्षिण आफ्रिकेचे तीन प्रमुख वेगवान गोलंदाज गेराल्ड कोएत्झी, मार्को जॅनसेन आणि लुंगी एनगिडी (जखमी) या सामन्यासाठी उपलब्ध होणार नाहीत. कोएत्झी आणि जॅनसेन कसोटी सामन्याच्या तयारीसाठी प्रथम श्रेणी क्रिकेट खेळणार आहेत. द. आफ्रिकेसाठी कर्णधार एडन मार्करामने शानदार अष्टपैलू कामगिरी केली. रीझा हेंड्रिक्स आणि मॅथ्यू ब्रेट्झके यांनी भारतीय वेगवान गोलंदाजांची चांगलीच दमछाक केली आहे.
Sports Award : अर्जुन पुरस्कारासाठी ‘या’ भारतीय वेगवान गोलंदाजाच्या नावाची शिफारस..
दोन्ही संघांचे संभाव्य प्लेइंग-11
भारत : यशस्वी जैस्वाल, ऋतुराज गायकवाड/शुभमन गिल, टिळक वर्मा/श्रेयस अय्यर, सूर्यकुमार यादव (कर्णधार), रिंकू सिंग, जितेश शर्मा/इशान किशन (यष्टीरक्षक), रवींद्र जडेजा, अर्शदीप सिंग, कुलदीप यादव/रवी सिराजनो, कुलदीप यादव मुकेश कुमार.
दक्षिण आफ्रिका : रीझा हेंड्रिक्स, मॅथ्यू ब्रेट्झके, एडन मार्कहॅम (कर्णधार), हेनरिक क्लासेन (विकेटकीपर), डेव्हिड मिलर, ट्रिस्टन स्टब्स, डोनोव्हन फेरेरा, अँडिले फेहलुकवायो, लिझाद विल्यम्स, ओटनीएल बार्टमन/नॅंद्रे बर्गर, तबरेझ शम्सी.
