Crime News : शहरातील एक चोरीच्या घटनेने मोठी खळबळ उडाली आहे. पुण्यातील जांभुळकर चौकात लष्कराच्या विंग कमांडरच्या घरावर पहाटे दरोडा घालण्यात आला आहे. विंग कमांडर वीरेंद्र कुमार जिंदाल यांच्या घरात घुसून दरोडा घालण्यात आला आहे. दरोडेखोरांनी मोठा मुद्देमाल चोरून नेला आहे. 40 तोळे सोने आणि तब्बल साडेआठ लाख रुपये रोख रक्कम लंपास केली आहे.

पहाटे अडीच ते तीन वाजण्याच्या सुमारास जांभुळकर चौकात असलेल्या कौशल्या बंगल्यात हा थरार घडला आहे. विंग कमांडर वीरेंद्र कुमार हे आपल्या कौशल्या बंगल्यात झोपले असताना दोन अज्ञात इसम घरात घुसले त्यांनी थेट बेडरूममध्ये घुसून विंग कमांडर यांच्या तोंडावर हात ठेवला आणि त्यांना उठवले.

दोन्ही चोरट्याने सोने कुठे ठेवले आहे, अशी विचारणा केली आणि जरा सुद्धा हलू नका असा त्यांना दम दिला. त्यांच्या हातामध्ये हातोडी हेक्सा ब्लेड टाईपचे रॉड होते. कमांडरची झटपट करत चोरट्याने कपाटाची चावी मागितली आणि कपाटात असलेले तब्बल 40 तोळे सोने आणि साडेआठ लाख रुपये लंपास केले.