Pune News : पुणे रेल्वे स्थानकात कर्तव्य बजावत असलेल्या वरिष्ठ बुकिंग क्लार्कवर चाकूने वार करून त्यांना जीवे ठार मारण्याचा प्रयत्न करत रोख रक्कम, दोन मोबाईल फोन आणि सोन्याची चैन जबरदस्तीने लुटणाऱ्या तिघांना बंडगार्डन पोलिसांच्या तपास पथकाने डोंबिवली (पूर्व), ठाणे येथून अटक केली. (Pune News)

सुमारे १५० सीसीटीव्ही कॅमेऱ्यांच्या फुटेजच्या आधारे पोलिसांनी आरोपींचा माग काढत ही कारवाई केली. नागे कॅलविन सोलोमन मायला (२९, रा. धायरीकर कॉलनी, मुंढवा, पुणे) हे १८ ऑगस्ट रोजी मध्यरात्री पुणे रेल्वे स्थानकात तिकीट विक्रीचे कर्तव्य बजावत होते. (Pune News)

त्यावेळी दोन अनोळखी व्यक्तींनी त्यांच्यावर चाकूने वार करून जीवे ठार मारण्याचा प्रयत्न केला. त्यानंतर त्यांच्या जवळील रोख रक्कम, दोन मोबाईल फोन आणि सोन्याची चैन जबरदस्तीने काढून घेत आरोपी पसार झाले. (Pune News)

जितेंद्र मोतीराम (२४, रा. जळगाव) आणि ईश्वर गोरख चव्हाण (२३, रा. संभाजीनगर), अजय मदन चव्हाण (३५, सध्या सर्व रा. खोली क्रमांक ४, मुंब्रादेवी चाळ, भोपरगाव कमानी, डोंबिवली पूर्व, ठाणे) अशी अटक करण्यात आलेल्या आरोपींची नावे आहेत. (Pune News)

वरिष्ठ पोलीस निरीक्षक संतोष पांढरे यांनी आरोपींच्या अटकेसाठी दोन तपास पथके तयार केली. तपासादरम्यान पुणे रेल्वे स्थानकापासून डोंबिवली पूर्व रेल्वे स्थानक परिसरापर्यंतच्या सुमारे १५० सीसीटीव्ही कॅमेऱ्यांचे फुटेज तपासण्यात आले. (Pune News)

त्यातून आरोपींचे फोटो मिळवून त्यांची ओळख पटविण्यात आली. तपास पथकातील पोलीस अंमलदार प्रकाश आव्हाड आणि सारस साळवी यांना आरोपी भोपरगाव कमानी, डोंबिवली (पूर्व) येथे राहत असल्याची माहिती मिळाली. त्यानुसार बंडगार्डन पोलिसांनी पुणे आरपीएफच्या पथकासोबत संयुक्त कारवाई करून २१ ऑगस्ट रोजी पहाटे चार वाजता आरोपींना ताब्यात घेतले. (Pune News)

आरोपींकडून फिर्यादीकडून चोरी केलेली रोख रक्कम आणि दोन मोबाईल फोन हस्तगत करण्यात आले आहेत. आरोपींना न्यायालयात हजर केले असता न्यायालयाने त्यांना २५ ऑगस्ट २०२६पर्यंत वाढीव पोलीस कोठडी सुनावली आहे. (Pune News)

ही कारवाई पोलीस आयुक्त अमितेश कुमार, पोलीस सहआयुक्त सचिन दराडे, अपर पोलीस आयुक्त मनोज पाटील, पोलीस उपायुक्त परिमंडळ-५ राजलक्ष्मी शिवणकर, वरिष्ठ पोलीस निरीक्षक संतोष पांढरे आणि पोलीस निरीक्षक (गुन्हे) विनोद सलगरकर यांच्या मार्गदर्शनाखाली करण्यात आली. (Pune News)

तपास पथकाचे प्रभारी पोलीस उपनिरीक्षक राहुल पवार यांच्यासह पोलीस अंमलदार प्रदीप शितोळे, सारस साळवी, प्रकाश आव्हाड, महेश जाधव, निलेश पालवे, ज्ञानेश्वर बडे, मनोज भोकरे, शिवाजी सरक आणि ज्ञानेश्वर गायकवाड यांनी कारवाईत सहभाग घेतला. (Pune News)

तसेच पुणे आरपीएफचे पोलीस अंमलदार आण्णासाहेब पाखरे, स्वप्नील धनसेर आणि युवराज गायकवाड यांनीही कारवाईत महत्त्वाची भूमिका बजावली. (Pune News)

Pune News : पुणेकरांसाठी महत्त्वाची बातमी: गुरुवारी शहरातील बहुतांश भागात पाणीपुरवठा पूर्णपणे बंद

Pune News : सोशल मीडियावरील बदनामीप्रकरणी रुपाली चाकणकरांची तक्रार; १७ जणांची नावे जबाबात