Pune Women Police : पिंपरी-चिंचवड पोलिस दलातील दोन महिला पोलिसांनी आयुष्यभर एकत्र राहण्याचा निर्णय घेतल्याची माहिती समोर आली आहे. दोघींनी ३० ऑगस्ट रोजी आळंदी येथे वैदिक पद्धतीने विवाह करण्यासाठी सुट्टीचा अर्ज सादर केल्याचे सांगितले जात आहे. या अर्जासोबत त्यांनी लग्नपत्रिकाही जोडल्याची माहिती आहे. (Pune Women Police)

पोलिस भरतीदरम्यान झाली ओळख 

दोघींची ओळख पोलिस भरतीच्या काळात झाली. भरती प्रक्रिया पूर्ण केल्यानंतर त्या पोलिस शिपाई म्हणून सेवेत दाखल झाल्या. प्रशिक्षणानंतर काही काळ दोघी मुख्यालयात नियुक्त होत्या. त्यानंतर शहरातील एकाच पोलिस ठाण्यात नियुक्ती झाल्याने त्यांच्यातील जवळीक वाढत गेली. (Pune Women Police)

कालांतराने दोघींनी एकत्र आयुष्य जगण्याचा निर्णय घेतल्याचे सांगितले जात आहे. मात्र, एका महिला पोलिसाच्या कुटुंबीयांना या नात्याची माहिती मिळाल्यानंतर त्यांनी या विवाहाला विरोध केल्याची माहिती आहे. (Pune Women Police)

कुटुंबीयांनी वरिष्ठांकडे धाव घेतली

कुटुंबीयांनी विवाहाला विरोध करत पोलिस दलातील वरिष्ठ अधिकाऱ्यांकडेही दाद मागितल्याचे समोर आले आहे. मात्र, हा दोघींच्या वैयक्तिक आयुष्याचा विषय असल्याने प्रशासनाकडून विवाह रोखण्याऐवजी आवश्यक असल्यास समुपदेशनाची भूमिका घेतल्याचे सांगितले जात आहे. (Pune Women Police)

सुट्टीच्या अर्जासोबत लग्नपत्रिका

विवाहासाठी दोघींनी पोलिस ठाण्यात अधिकृतपणे सुट्टीचा अर्ज दिला आहे. विशेष म्हणजे अर्जासोबत लग्नपत्रिकाही जोडण्यात आली आहे. त्यामुळे दोघींमधील नात्याची माहिती आता पोलिस दलात अधिकृतपणे चर्चेत आली आहे. (Pune Women Police)

एका महिला पोलिसाकडून लिंगबदलाशी संबंधित उपचार?

दरम्यान, दोघींपैकी एका महिला पोलिसाने लिंगबदलाशी संबंधित वैद्यकीय उपचार सुरू केल्याची माहितीही समोर आली आहे. यासाठी ती मुंबईतील रुग्णालयात उपचार घेत असल्याचे सांगितले जात आहे. मात्र, या उपचारांचा प्रस्तावित विवाहाच्या कायदेशीर स्थितीवर नेमका काय परिणाम होईल, याबाबत सध्या स्पष्टता नाही. या संपूर्ण प्रकरणामुळे पिंपरी-चिंचवड पोलिस दलात चर्चेला उधाण आले असून, दोघींच्या वैयक्तिक निर्णयाकडे सर्वांचे लक्ष लागले आहे. (Pune Women Police)

Pune-Satara Highway : पुणे-सातारा महामार्गावरील वाहतूक विस्कळीत; आंदोलनाचा परिणाम अन् प्रवाशांचे हाल