Pune News : पती-पत्नीच्या वादात पतीच्या छातीत गावठी पिस्तूलातून एक गोळी झाडली गेली. यामध्ये पती गंभीर जखमी झाला असून त्याच्यावर खासगी रुग्णालयात उपचार सुरु आहेत. ही घटना कसवा पेठेत सकाळी दहाच्या सुमारास घडली. (Pune News)

दरम्यान पत्नीने पतीने आत्महत्या करण्याचा प्रयत्न केल्याचा दावा केला तर पतीने पत्नीने आपल्यावर गोळी झाडल्याचा दावा केला. या दावा -प्रतिदाव्यामुळे सायंकाळी उशीरापर्यंत गुन्हा दाखल झाला नव्हता. (Pune News)

अभिजीत शिंगोटे (३३, रा. साततोटी पोलीस चौकीजवळ, कसबा पेठ) असे जखमी व्यक्तीचे नाव आहे. याप्रकरणी फरासखाना पोलीस ठाण्यात गुन्हा दाखल करण्याची प्रक्रिया सुरु आहे. (Pune News)

पोलिसांनी सांगितले की, अभिजीत शिंगोटे गोकुळे वाड्यात भाड्याने रहातात. त्यांचा मोबाईल दुरुस्तीचा व्यवसाय आहे. त्यांची पत्नीसोबत घटस्फोटाची प्रक्रिया सुरु आहे. त्यांची दोन्ही मुले आजोळी असतात. पत्नी मे महिण्यात मुलांना शाळेसाठी घेऊन येते म्हणून माहेरी गेली होती. ती दोन दिवसांपुर्वीच पतीकडे आली. (Pune News)

दरम्यान आज (सोमवारी) सकाळी त्यांच्यात वाद झाल्यावर गोळीबाराचा प्रकार घडला. गोळी छातीच्यावर लागल्यावर त्यांनी दुकानातील एका कामगार मुलाला घरी बोलावून घेतले. त्याच्यागाडीवर बसून ते ससून रुग्णालयात गेले. तेथून खासगी रुग्णालयात दाखल झाले. (Pune News)

शेजारच्यांनी पोलिसांना खबर दिल्यावर पोलीस घटनास्थळी दाखल झाले. त्यांना घरात गावठी पिस्तूल आणि एक पुंगळी सापडली. दरम्यान पती- पत्नी दोघेही एकमेकांवर आरोप करत असल्याने गोळी नक्की कोणी झाडली? हा प्रश्‍न अद्याप पोलिसांपुढे आहे. (Pune News)

Pune News : खड्ड्यामुळे मृत्यू झालेल्या मुलाच्या कुटुंबाला सहा लाखांची नुकसानभरपाई द्या; श्रीनाथ भिमाले यांची आयुक्तांना सुचना

Pune News : संगणकतज्ज्ञ डॉ. दीपक शिकारपूर यांचा महाराष्ट्र चेंबरतर्फे गौरव