पुणे –दहशतवादी दाऊद इब्राहीमला देशद्रोही कृत्य करण्यासाठी अर्थ पुरवठा केल्याच्या आरोपावरून ईडीने अटक केलेल्या महाविकास आघाडी सरकारमधील मंत्री नवाब मलिक यांची मंत्रिमंडळातून तातडीने हकालपट्टी करावी, अशी मागणी शहर भाजपचे अध्यक्ष जगदीश मुळीक यांनी केली.

मुळीक यांच्या नेतृत्वाखाली गुरुवारी पुण्यात शहर भाजपच्या वतीने आंदोलन करण्यात आले. संघटन सरचिटणीस राजेश पांडे, सरचिटणीस गणेश घोष, राजेश येनपुरे, संदीप लोणकर, दत्ता खाडे, दीपक नागपुरे, अर्चना पाटील यांची प्रमुख उपस्थिती होती.

दाऊद इब्राहिमने मुंबईत बॉम्बस्फोट घडवून आणले. वेळोवेळी दहशतवादी कृत्यांना पाठबळ दिले. त्याच्याशी मलिक यांचे आर्थिक व्यवहार आहेत. हा देशद्रोह आहे. अशा व्यक्‍तीला मंत्रीपदावर राहण्याचा कोणताही अधिकार नाही. त्यांची हकालपट्टी होत नाही तोपर्यंत भाजप तीव्र आंदोलन करणार आहे, असे मुळीक म्हणाले.