BJP Senior Leader : दिल्लीच्या माजी महापौर आणि भाजपच्या ज्येष्ठ नेत्या शकुंतला आर्य यांचे वयाच्या 98 व्या वर्षी निधन झाले. त्यांच्या निधनामुळे भाजपसह संपूर्ण राजकीय वर्तुळात शोककळा पसरली असून अनेक वरिष्ठ नेत्यांनी त्यांना श्रद्धांजली वाहिली आहे. (BJP Senior Leader)

शकुंतला आर्य या 1980 पासून भारतीय जनता पक्षाशी जोडल्या गेल्या होत्या आणि 2010 पर्यंत दिल्लीच्या राजकारणात सक्रिय राहिल्या. 1997-98 या कालावधीत त्यांनी दिल्लीच्या महापौरपदाची धुरा सांभाळली. भाजपच्या स्थापनेच्या काळातील त्या संस्थापक सदस्यांपैकी एक होत्या. माजी पंतप्रधान अटल बिहारी वाजपेयी आणि भाजपचे ज्येष्ठ नेते लालकृष्ण आडवाणी यांच्यासोबत त्यांनी दीर्घकाळ काम केले होते. (BJP Senior Leader)

त्यांचा अंत्यसंस्कार आज (25 जुलै) दिल्लीतील लोधी रोड स्मशानभूमीत करण्यात आला. या अंत्यसंस्कारासाठी दिल्लीच्या मुख्यमंत्री रेखा गुप्ता यांनी आपले नियोजित कार्यक्रम रद्द करून उपस्थिती लावली. तसेच भाजपचे अनेक वरिष्ठ नेते आणि कार्यकर्त्यांनीही त्यांना अखेरचा निरोप दिला. (BJP Senior Leader)

शकुंतला आर्य यांच्या निधनानंतर भाजपचे दिल्ली प्रदेशाध्यक्ष आणि केंद्रीय राज्यमंत्री हर्ष मल्होत्रा यांनी शोक व्यक्त करत त्यांच्या कुटुंबीयांप्रती संवेदना व्यक्त केल्या. “1980 ते 2010 या काळात त्यांनी पक्षासाठी केलेले योगदान अविस्मरणीय आहे. त्या महिला सशक्तीकरणाच्या खऱ्या प्रेरणास्थान होत्या,” असे त्यांनी म्हटले. (BJP Senior Leader)

विशेष म्हणजे, गेल्या वर्षी भाजपच्या स्थापना दिनानिमित्त (6 एप्रिल) तत्कालीन राष्ट्रीय अध्यक्ष जेपी नड्डा, त्यावेळचे दिल्ली प्रदेशाध्यक्ष वीरेंद्र सचदेवा आणि सध्याचे प्रदेशाध्यक्ष हर्ष मल्होत्रा यांनी त्यांच्या लाजपत नगर येथील निवासस्थानी जाऊन पक्षाचा ध्वज फडकावला होता. शकुंतला आर्य या दिल्ली भाजप महिला मोर्चाच्या पहिल्या अध्यक्षा म्हणूनही ओळखल्या जात होत्या. त्यांच्या निधनाने भाजपने एक ज्येष्ठ आणि अनुभवी नेतृत्व गमावले आहे. (BJP Senior Leader)

BJP Protest: पुण्यात भाजप आक्रमक! काँग्रेस भवनासमोर पोलीस ताफा तैनात…नेमकं काय घडलं?

BJP Leader : भाजपचे ज्येष्ठ नेते तथा माजी मंत्र्याचे निधन; राजकीय वर्तुळात शोककळा