Devendra Fadnavis : दिल्लीतील राजकीय घडामोडींना वेग आला असून केंद्रीय शिक्षणमंत्री धर्मेंद्र प्रधान यांच्या राजीनाम्यानंतर नव्या शिक्षणमंत्र्याबाबत तर्कवितर्कांना उधाण आले आहे. या पार्श्वभूमीवर ठाकरे गटाचे खासदार संजय राऊत यांनी मुख्यमंत्री देवेंद्र फडणवीस यांच्याबाबत मोठा दावा केला आहे. (Devendra Fadnavis)

धर्मेंद्र प्रधान यांच्या राजीनाम्यानंतर मुख्यमंत्री देवेंद्र फडणवीस यांना केंद्रीय नेतृत्वाने तातडीने दिल्लीला बोलावल्याची माहिती समोर आली आहे. त्यांच्या या दिल्ली दौऱ्याचे कारण अद्याप अधिकृतपणे स्पष्ट झालेले नसले, तरी विविध राजकीय चर्चांना वेग आला आहे. (Devendra Fadnavis)

याच पार्श्वभूमीवर संजय राऊत यांनी माध्यमांशी बोलताना, देवेंद्र फडणवीस यांना केंद्रात शिक्षणमंत्रीपदाची जबाबदारी दिली जाऊ शकते, असा दावा केला. धर्मेंद्र प्रधान यांच्या जागी भाजपचे केंद्रीय नेतृत्व फडणवीस यांच्यावर विश्वास दाखवू शकते, असेही त्यांनी सूचित केले. (Devendra Fadnavis)

दरम्यान, धर्मेंद्र प्रधान यांच्या राजीनाम्यानंतर केंद्र सरकारच्या पुढील निर्णयाकडे आणि देवेंद्र फडणवीस यांच्या दिल्लीतील बैठकीकडे देशाच्या राजकीय वर्तुळाचे लक्ष लागले आहे. (Devendra Fadnavis)

देवेंद्र फडणवीस तातडीने दिल्लीला रवाना

दिल्लीतील विद्यार्थी आंदोलनाच्या वाढत्या दबावानंतर केंद्रीय शिक्षणमंत्री धर्मेंद्र प्रधान यांनी आपल्या पदाचा राजीनामा दिला आहे. या घडामोडीनंतर देशाच्या राजकारणात मोठ्या हालचालींना वेग आला असून महाराष्ट्राचे मुख्यमंत्री देवेंद्र फडणवीस यांना केंद्रीय नेतृत्वाने तातडीने दिल्लीला बोलावल्याची माहिती समोर आली आहे. (Devendra Fadnavis)

त्यामुळे राजधानीतील या बैठकीकडे सर्वांचे लक्ष लागले आहे. गेल्या काही दिवसांपासून सुरू असलेल्या विद्यार्थी आंदोलनाने 20 जुलै रोजी जंतर-मंतर येथे निर्णायक वळण घेतले. आंदोलनादरम्यान दिल्ली पोलिसांनी केलेल्या लाठीमारानंतर देशभरातून संतापाची लाट उसळली. (Devendra Fadnavis)

Devendra Fadnavis : मोठी घडामोड..! धर्मेंद्र प्रधानांच्या राजीनाम्यानंतर देवेंद्र फडणवीसांना तातडीने दिल्लीतून बोलावणं