BJP Leader : कर्नाटकातील भाजपचे ज्येष्ठ नेते आणि माजी मंत्री एस. व्ही. रामचंद्र गौडा यांचे मंगळवारी सकाळी निधन झाले. ते 88 वर्षांचे होते. गेल्या काही दिवसांपासून प्रकृती अस्वस्थ असल्याने त्यांच्यावर बेंगळुरूतील खासगी रुग्णालयात उपचार सुरू होते. आज सकाळी 6.20 वाजता त्यांनी अखेरचा श्वास घेतला. (BJP Leader)

त्यांच्या पार्थिवावर बेंगळुरूतील कामाक्षीपाल्या येथील त्यांच्या खासगी जागेत अंत्यसंस्कार करण्यात येणार असून, विविध पक्षांचे नेते, कार्यकर्ते आणि समर्थक त्यांना अखेरचा निरोप देणार आहेत. (BJP Leader)

येदियुरप्पांकडून भावपूर्ण श्रद्धांजली

भाजपचे ज्येष्ठ नेते आणि माजी मुख्यमंत्री बी.एस. येदियुरप्पा यांनी रामचंद्र गौडा यांच्या निधनाबद्दल तीव्र शोक व्यक्त केला. “जनसंघाच्या काळापासून आम्ही एकत्र काम केले. माझा अनेक दशकांचा सहकारी आणि भाऊ हरपला आहे. त्यांच्या जाण्याने निर्माण झालेली पोकळी भरून निघणार नाही,” अशा शब्दांत त्यांनी श्रद्धांजली वाहिली. (BJP Leader)

अनेक महत्त्वाच्या खात्यांची जबाबदारी

रामचंद्र गौडा यांनी आपल्या राजकीय कारकिर्दीत उच्च व तंत्र शिक्षण, वैद्यकीय शिक्षण, रेशीम उत्पादन, विज्ञान व तंत्रज्ञान, लघु बचत तसेच खनन व भूविज्ञान यांसारखी महत्त्वाची मंत्रालये सांभाळली होती. (BJP Leader)

एच.डी. कुमारस्वामी यांच्या नेतृत्वाखालील भाजप-जेडीएस सरकारमध्ये त्यांनी लघु बचत, खनन व भूविज्ञान आणि विज्ञान-तंत्रज्ञान विभागाची जबाबदारी पार पाडली. तर बी.एस. येदियुरप्पा यांच्या सरकारमध्ये ते वैद्यकीय शिक्षण मंत्री होते. त्यांच्या कार्यकाळात कर्नाटकमध्ये लॉटरीवर बंदी घालण्याचा महत्त्वपूर्ण निर्णय घेण्यात आला होता. (BJP Leader)

जनसंघापासून भाजपपर्यंतचा प्रवास

राष्ट्रीय स्वयंसेवक संघाच्या प्रेरणेने त्यांनी विद्यार्थी अवस्थेतच सार्वजनिक जीवनात प्रवेश केला. गोवा मुक्ती आंदोलनात त्यांनी सहभाग घेतल्यानंतर भारतीय जनसंघात प्रवेश केला. 1970 मध्ये ते जनसंघाच्या तिकिटावर बेंगळुरू सिटी कॉर्पोरेशनमध्ये निवडून आले. पुढे भाजपचे प्रदेश महासचिव म्हणून त्यांनी राज्यात पक्षाची संघटनात्मक बांधणी मजबूत करण्यात महत्त्वाची भूमिका बजावली. (BJP Leader)

एस. व्ही. रामचंद्र गौडा यांच्या निधनाने कर्नाटकातील भाजपसह राज्याच्या राजकीय वर्तुळात शोककळा पसरली असून, ज्येष्ठ आणि अनुभवी नेतृत्व हरपल्याची भावना व्यक्त केली जात आहे. (BJP Leader)

Party joins the BJP : “भाजपमध्ये ‘हा’ पक्ष विलीन होणार” ; राजकारणात एकच खळबळ

BJP News : भाजपच्या ‘या’ ज्येष्ठ नेत्याचे निधन; राजकीय वर्तुळात शोककळा