Next Education Minister : केंद्रीय शिक्षणमंत्री धर्मेंद्र प्रधान यांच्या राजीनाम्यानंतर देशाच्या राजकारणात नव्या शिक्षणमंत्र्याबाबत चर्चांना वेग आला आहे. नीट-यूजी (NEET-UG) परीक्षेतील कथित अनियमितता आणि पेपरफुटीच्या मुद्द्यावर देशभरात विद्यार्थ्यांनी आंदोलन छेडल्यानंतर वाढत्या दबावामुळे धर्मेंद्र प्रधान यांनी आपल्या पदाचा राजीनामा दिला. (Next Education Minister)

मात्र, नवीन शिक्षणमंत्री कोण होणार, याबाबत अद्याप राष्ट्रपती भवन किंवा पंतप्रधान कार्यालयाकडून कोणतीही अधिकृत घोषणा करण्यात आलेली नाही. तरीही राजकीय वर्तुळात अनेक नावांची जोरदार चर्चा सुरू आहे. (Next Education Minister)

देवेंद्र फडणवीस यांचे नाव आघाडीवर?

धर्मेंद्र प्रधान यांच्या राजीनाम्यानंतर केंद्रीय गृहमंत्री अमित शाह यांनी महाराष्ट्राचे मुख्यमंत्री देवेंद्र फडणवीस यांना तातडीने दिल्लीला बोलावल्याची माहिती समोर आली आहे. त्यानंतर फडणवीस यांच्या नावाची शिक्षणमंत्रीपदासाठी चर्चा रंगली आहे. ठाकरे गटाचे खासदार संजय राऊत यांनीही देवेंद्र फडणवीस यांची केंद्रीय शिक्षणमंत्रीपदी नियुक्ती होऊ शकते, असा दावा केला आहे. (Next Education Minister)

राज्यमंत्र्यांनाही मिळू शकते जबाबदारी

शिक्षण मंत्रालयात सध्या राज्यमंत्री म्हणून कार्यरत असलेले जयंत चौधरी आणि सुकांत मजुमदार यांच्याकडे तात्पुरता किंवा पूर्णवेळ कार्यभार सोपविला जाऊ शकतो, अशीही चर्चा आहे. दोघेही शिक्षण मंत्रालयाशी संबंधित कामकाज पाहत असल्याने त्यांची नावे संभाव्य दावेदारांमध्ये घेतली जात आहेत. (Next Education Minister)

राघव चढ्ढांच्या नावाचीही चर्चा

सोशल मीडियावर खासदार राघव चढ्ढा यांच्या नावाचीही चर्चा सुरू आहे. मात्र, केंद्र सरकारकडून किंवा अधिकृत सूत्रांकडून त्यांच्या नावाबाबत कोणतेही संकेत देण्यात आलेले नाहीत. त्यामुळे सध्या ही चर्चा केवळ सोशल मीडियापुरतीच मर्यादित असल्याचे मानले जात आहे. (Next Education Minister)

दरम्यान, नव्या शिक्षणमंत्र्याची घोषणा कधी होणार आणि धर्मेंद्र प्रधान यांच्या जागी कोणाची निवड होणार, याकडे देशभरातील विद्यार्थी, राजकीय वर्तुळ आणि सर्वसामान्यांचे लक्ष लागले आहे. (Next Education Minister)