Satara : सातारा जिल्ह्यातील फलटण तालुक्यातील उपजिल्हा रुग्णालयात कार्यरत असलेल्या डॅाक्टर महिलेने आत्महत्या केल्याच्या घटनेने राज्यभरात खळबळ उडाली आहे. या प्रकरणात आता अनेक धक्कादायक खुलासे होत आहेत. या घटनेचा तीव्र निषेध राज्यभरातून नोंदविण्यात येत आहे. महिलेने तिच्या तळहातावर लिहिलेल्या सुसाईट नोटमध्ये दोन नावांचा उल्लेख होता. यामधील आता एक आरोपी प्रशांत बनकरला पोलिसांनी अटक केली आहे.

पोलिसांनी प्रशांत बनकर या आरोपीला बेड्या ठोकल्या आहेत. घटनेनंतर पोलिसांची पथके दोन आरोपींच्या शोधासाठी रवाना केली होती. युवतीने हातावर लिहिलेल्या सुसाईड नोटमध्ये प्रशांत बनकर याने मानसिक व शारीरिक छळ केल्याचा गंभीर आरोप केला होता. आज पहाटे चार वाजता प्रशांत बनकरला पोलिसांनी अटक केली आहे. तो मित्राच्या फार्महाऊसमध्ये लपून बसला होता. सातारा पोलिसांनी ही कारवाई केली आहे.

डॉक्टर महिलेने मृत्यूपूर्वी एक सुसाईड नोट लिहीली होती. या नोटमध्ये तिने PIS गोपाळ बदने याने आपल्यावर 4 वेळा अत्याचार केल्याचे म्हटले होते. तर प्रशांत बनकर याने आपला मानसिक व शारीरीक छळ केल्याचा आरोप करत तरूणीने आयुष्य संपवले.

नेमकं काय घडलं?

सातारा जिल्ह्यातील फलटण उपजिल्हा रुग्णालयात वैद्यकीय अधिकारी म्हणून कार्यरत असलेल्या २८ वर्षीय डॉ. संपदा मुंडे यांच्या आत्महत्येने राज्यभर खळबळ उडाली आहे. गुरुवारी (२३ ऑक्टोबर) रात्री फलटणमधील ‘हॉटेल मधूदीप’च्या खोलीत त्यांनी जीवन संपवले. प्राथमिक पोस्टमॉर्टम अहवालानुसार, त्यांचा मृत्यू गळफासामुळे झाला असून, शरीरावर कोणतीही जखम किंवा व्रण आढळले नाहीत.

पोलिस तपासात समोर आलेल्या माहितीनुसार, डॉ. मुंडे या गेल्या आठ महिन्यांपासून प्रशांत बनकर यांच्या घरात भाडेकरू म्हणून राहत होत्या. बनकर यांच्या आई त्यांना जेवणाचा डबा पुरवत असत. जानेवारी २०२५ पासून बनकर आणि डॉ. मुंडे यांच्यात १५८ पेक्षा अधिक फोन कॉल्स झाल्याचे कॉल डिटेल्स रेकॉर्डमधून उघड झाले आहे.

विशेषतः, आत्महत्येपूर्वी २३ ऑक्टोबरला पहाटे १.३० वाजता डॉ. मुंडे यांनी हॉटेलमध्ये चेक-इन केले, तेव्हा त्यांचा बनकर यांच्याशी शेवटचा कॉल झाला. हॉटेल खोली दोन दिवसांसाठी बुक केली होती आणि त्यावेळी डॉ. मुंडे एकट्याच होत्या. PSI गोपाल बदने यांच्याशीही त्यांचे अनेक कॉल्स झाले असल्याचे समोर आले आहे.

हेही वाचा :  Janhvi Kapoor: लग्न करतेय का जान्हवी कपूर? २९ ऑक्टोबरची तारीख जाहीर करून चाहत्यांमध्ये चर्चा!