PBKS vs CSK RJ Mahvash post photo with Yuzvendra Chahal : भारताचा आणि पंजाब किंग्जचा स्टार फिरकी गोलंदाज युझवेंद्र चहलने २० मार्च रोजी त्याची पत्नी धनश्रीला अधिकृतपणे घटस्फोट दिला आहे. धनश्रीशी घटस्फोट झाल्यापासून चहलचे नाव आरजे महावशशी जोडले जात आहे. चॅम्पियन्स ट्रॉफीच्या अंतिम सामन्यात दोघेही पहिल्यांदा एकत्र दिसले. तथापि, पंजाब किंग्जच्या चेन्नई विरुद्धच्या सामन्यानंतर, महावशने तिच्या अधिकृत इंस्टा अकाउंटवर एक पोस्ट शेअर करून चहलसोबतच्या अफेअरच्या अफवांना खतपाणी घातले आहे.

खरंतर, मुल्लानपूरमध्ये खेळल्या गेलेल्या आयपीएल २०२५ च्या २२ व्या सामन्यादरम्यान, आरजे महावश तिचा कथित बॉयफ्रेन्ड युझवेंद्र चहलला चीअर करताना दिसली. चेन्नई सुपर किंग्ज आणि पंजाब किंग्ज यांच्यात झालेल्या या सामन्यात पंजाब किंग्जने अखेर १८ धावांनी निसटता विजय मिळवला. विजयानंतर आरजे महावशने तिच्या अधिकृत इन्स्टाग्राम अकाउंटवर युझवेंद्र चहलसोबतचा तिचा फोटो शेअर केला.

 

View this post on Instagram

 

A post shared by Mahvash (@rj.mahvash)

आरजे महावशने इन्स्टावर पोस्ट केलेल्या फोटोला कॅप्शन देताना लिहिले की, “प्रत्येक कठीण काळात आपल्या लोकांना पाठिंबा दिल्याबद्दल आणि त्यांच्या मागे पर्वतासारखे उभे राहिल्याबद्दल! आम्ही सर्व तुमच्यासाठी आहोत.” चहलने त्याच्या स्टोरीवर आरजे महावशची पोस्ट शेअर केली. तेव्हापासून दोघांमधील अफवांच्या बातम्यांना वेग आला आहे.

हेही वाचा – KKR vs LSG : शार्दुल ठाकूरने केला लाजिरवाणा विक्रम, एका षटकात ११ चेंडू टाकताना लावली वाईडची रांग

अफवांदरम्यान मित्र असल्याचा केला दावा –

पोस्ट शेअर केल्यानंतर, आरजे महावशने तिच्या स्टोरीवर तोच फोटो पोस्ट केला आणि लिहिले की यावेळी ती पंजाब किंग्जला पाठिंबा देत आहे. पुढे, तिने लिहिले की “कारण आपण भाऊ शिष्टाचाराने मैत्री निभावतो”. याआधी, एका पॉडकास्टमध्ये, आरजे महावाशने दावा केला होता की ती सिंगल आहे आणि खूप आनंदी आहे.

हेही वाचा – IPL 2025 : रिटायर्ड आऊट vs रिटायर्ड हर्ट; नियम आणि फरक समजून घ्या

रचिन रवींद्र बाद झाल्यावर महावशला झाला होता आनंद –

पंजाब किंग्ज आणि चेन्नई सुपर किंग्ज यांच्यातील सामन्यात ग्लेन मॅक्सवेलने रचिन रवींद्रला बाद केले, तेव्हा आरजे महावशला खूप आनंद झाला होती. त्यावेळी तिच्या आनंदाला सीमा नव्हती. त्याची रिअॅक्शनही सोशल मीडियावर वेगाने व्हायरल होत आहे.