Yuzvendra Chahal Opens Up on Alcohol Addiction Divorce Panic Attacks and Comeback : भारतीय क्रिकेट संघाचा स्टार लेग स्पिनर युझवेंद्र चहलने आपल्या वैयक्तिक आयुष्यातील अत्यंत कठीण टप्प्याबद्दल प्रथमच मनमोकळा संवाद साधला आहे. माजी क्रिकेटपटू आकाश चोप्राच्या पॉडकास्टमध्ये बोलताना चहलने मद्यपानाचे गंभीर व्यसन, नैराश्य, घटस्फोट आणि पॅनिक अटॅकच्या त्रासावर भावनिक खुलासा केला. २०२० मध्ये धनश्री वर्मासोबत विवाहबद्ध झालेल्या चहलच्या वैवाहिक जीवनात अवघ्या दोन वर्षांत दुरावा आला आणि २०२५ मध्ये त्यांचा घटस्फोट झाला. या संपूर्ण वादळात त्याचे आंतरराष्ट्रीय करिअर संकटात आले होते; मात्र त्याने या सर्व संकटांवर मात करत पुन्हा नव्याने उभारी घेतली.

२६ दिवस रिहॅब सेंटरमध्ये घालवले; वाईट सवय सुटताच आयुष्य बदलले –

पॉडकास्टमध्ये बोलताना चहलने सांगितले की, एका टप्प्यावर गोष्टी हाताबाहेर गेल्या होत्या. त्यामुळे त्याने स्वतःहून व्यसनमुक्ती केंद्रात जाण्याचा निर्णय घेतला आणि तिथे २६ दिवस घालवले. रिहॅब सेंटरमधील उपचारांनंतर भावनांवर नियंत्रण कसे ठेवायचे आणि कठीण प्रसंगांना कसे सामोरे जायचे हे शिकलो. वाईट सवय सुटल्यानंतर शरीराला पुन्हा नवसंजीवनी मिळाली, नियमित व्यायाम आणि उत्तम प्रशिक्षणाच्या जोरावर मैदानात पुनरागमन करणे शक्य झाले.

घटस्फोटानंतर पॅनिक अटॅक; तोंडातून शब्द फुटत नव्हते –

वैयक्तिक आयुष्यातील तणावाबद्दल सांगताना चहल म्हणाला की, सार्वजनिक व्यक्तिमत्त्व असल्यामुळे लोक खाजगी आयुष्याची चर्चा करतात, ज्याचा खोल परिणाम मनावर झाला. घटस्फोटानंतर प्रचंड भीती आणि पैनिक अटॅक येऊ लागले. जेव्हा जेव्हा हा अटॅक यायचा, तेव्हा हृदयाचे ठोके प्रचंड वाढायचे, चेहरा आखडून जायचा आणि ओठ घट्ट झाल्यामुळे बोलणेही अशक्य व्हायचे. मानसिक संतुलन बिघडल्यामुळे त्याला क्रिकेटमधून काही काळ ब्रेक घ्यावा लागला होता.

🚨 YUZVENDRA CHAHAL REVEALS MENTAL STRUGGLES AFTER DIVORCE FROM WIFE DHANASHREE VERMA, SPENT 26 DAYS IN REHAB! 💔

Yuzvendra Chahal 🗣️: After my divorce from Dhanashree Verma, I was struggling mentally. My personal life started affecting my cricket, and I experienced anxiety and panic attacks. Sometimes, my heart would race, my face would tense up, and I couldn’t even speak properly.

My drinking problem also got out of control during that difficult phase. I eventually decided to seek professional help and spent 26 days in a rehabilitation centre.

I realised that if I continued living that way, it could affect the cricket I love and the career I had worked so hard to build.

— Central Cricket (@arshdeep3444) October 15, 2026

एबी डिव्हिलियर्सने दिलेला महत्त्वाचा सल्ला –

आपल्या व्यसनाच्या सुरुवातीबद्दल सांगताना चहल म्हणाला की, २०११ च्या आयपीएलनंतर सुरुवातीच्या काळात पार्ट्यांमध्ये मद्यपान वाढले होते. त्यावेळी रॉयल चॅलेंजर्स बंगळुरूचा सहकारी एबी डिव्हिलियर्स याने त्याला जीवनात समतोल राखण्याचा अत्यंत मोलाचा सल्ला दिला होता. आयुष्यात काहीही करा, पण संतुलन राखणे आवश्यक आहे हे शब्द आज प्रत्यक्षात जगताना समजतात, असे चहलने नमूद केले.

हेही वाचा – Shreyas Captaincy Challenge : श्रेयस अय्यरसमोर सर्वात मोठं आव्हान! २४ वर्षांत भारतात जे घडलं नाही, ते चिन्नास्वामीवर घडणार का?

क्रिकेटसाठी बदलले आयुष्य; पंजाब किंग्सच्या विश्वासाने दिली ताकद –

🔴I GET PANIC ATTACK – CHAHAL OPENS UP ABOUT HIS DIVORCE🤯

🎙️: Yuzi Chahal revealed how the difficult phase of his divorce affected his mental health and cricket career. He admitted that he struggled with anxiety and panic attacks, sometimes finding it difficult to even speak.

Chahal also took a break from T20 cricket because he didn’t want his mental state to affect the team. 💔

— Sam (@cricsam02) October 15, 2026

चहलने स्पष्ट केले की, ज्या खेळाने त्याला ओळख दिली, ते क्रिकेट या वाईट सवयींमुळे संपू नये म्हणून त्याने स्वतःला बदलण्याचा कठोर निर्णय घेतला. आयपीएलमध्ये पंजाब किंग्सने १८ कोटी रुपयांची मोठी बोली लावून त्याच्यावर विश्वास दाखवला, त्या विश्वासाला तडा जाऊ द्यायचा नाही या जिद्दीने त्याने खेळ सुधारला. आता तो गोल्फ खेळत, फिरत आनंदी आयुष्य जगत असून भूतकाळातील कटू आठवणी मागे सोडून पुढे जात आहे.