PBKS vs CSK Priyansh Arya scored a century in IPL 2025 : आयपीएल २०२५ मध्ये प्रियांश आर्यने आपले पहिले शतक झळकावले आहे. पंजाब किंग्जचा युवा सलामीवीर प्रियांशने चेन्नई सुपर किंग्जविरुद्ध अवघ्या ३९ चेंडूत अद्भुत शतक झळकावले आहे. आयपीएलमध्ये आपला पहिला हंगाम खेळत असलेल्या २४ वर्षीय प्रियांशने मंगळवार, ८ एप्रिल रोजी मुल्लानपूरच्या मैदानावर स्फोटक फलंदाजी करून आपले शतक पूर्ण केले. त्याच्या शतकी खेळीच्या जोरावर पंजाबने २१९ धावांचा डोंगर उभारला. प्रियांशने सामन्याच्या पहिल्याच चेंडूवर षटकार मारला. त्यानंतर १३ व्या षटकात त्याने सलग ३ षटकार आणि एक चौकार मारून आपले शतक पूर्ण केले. हे या हंगामातील सर्वात जलद शतक आहे, तर शतक करणारा तो फक्त दुसरा फलंदाज आहे.

गुजरात टायटन्सविरुद्ध आयपीएल पदार्पणात झटपट ४७ धावा काढणाऱ्या प्रियांशला शेवटच्या सामन्यात निराश पत्करावी लागली होती. राजस्थानविरुद्धच्या सामन्यात तो जोफ्रा आर्चरच्या पहिल्याच चेंडूवर बोल्ड झाला होता. त्या निराशेवर मात करत, प्रियांशने पुढच्याच सामन्यात पहिल्याच चेंडूवर षटकार मारला. खलीलच्या षटकात अशा सुरुवातीनंतर, पुढच्याच चेंडूवर खलीलने त्याच्याच चेंडूवर त्याचा झेल सोडला, तेव्हा त्याला जीवनदान मिळाले. पण षटकाच्या पाचव्या चेंडूवर या फलंदाजाने पुन्हा षटकार मारला.

THE CELEBRATION FROM PREITY ZINTA AND SHREYAS WHEN PRIYANSH ARYA SCORED A HUNDRED. 🥹❤️pic.twitter.com/cTIJuwxOCe

— Mufaddal Vohra (@mufaddal_vohra) April 8, 2025

अवघ्या १९ चेंडूत झळकावले अर्धशतक –

यानंतर प्रियांशने चेन्नईच्या प्रत्येक गोलंदाजाला लक्ष्य केले, ज्यात अनुभवी फिरकी गोलंदाज रविचंद्रन अश्विनचाही समावेश होता. खरं तर, प्रियांशने सहाव्या षटकात अश्विनला षटकार मारून अवघ्या १९ चेंडूत आपले अर्धशतक पूर्ण केले. या हंगामात कोणत्याही भारतीयाने केलेले हे सर्वात जलद अर्धशतक आहे. पण फक्त यामुळे त्याला शांती मिळाली नाही, उलट त्यानंतर त्याने अश्विनविरुद्ध सलग २ षटकार मारले.

हेही वाचा – KKR vs LSG : रोमांचक सामन्यात लखनौचा कोलकातावर निसटता विजय! रिंकू सिंगची कडवी झुंज ठरली अपयशी

१३ व्या षटकात प्रियांशने खरा कहर केला. प्रियांशने वेगवान गोलंदाज मथिशा पाथिरानाच्या दुसऱ्या, तिसऱ्या आणि चौथ्या चेंडूवर ३ लांब षटकार मारले. त्यानंतर त्याने पुढच्याच चेंडूवर चौकार मारून त्याचे पहिले आयपीएल शतक पूर्ण केले. तो १४ व्या षटकात बाद झाला. त्याने ४२ चेंडूत १०३ धावा केल्या, ज्यात ९ षटकार आणि ७ चौकारांचा समावेश होता. यासोबतच त्याने सीएसकेविरुद्ध सर्वात जलद शतकाचा विक्रमही केला.

हेही वाचा – MS Dhoni : एमएस धोनी फक्त ‘या’ व्यक्तीला घाबरायचा, IPL 2025 दरम्यान स्वत:च केला खुलासा

आयपीएलमध्ये सर्वात जलद शतक झळकावणारा दुसरा भारतीय –

𝐅𝐀𝐒𝐓𝐄𝐒𝐓 𝐇𝐔𝐍𝐃𝐑𝐄𝐃 𝐁𝐘 𝐀𝐍 𝐔𝐍𝐂𝐀𝐏𝐏𝐄𝐃 𝐈𝐍𝐃𝐈𝐀𝐍 𝐏𝐋𝐀𝐘𝐄𝐑 𝐈𝐍 𝐈𝐏𝐋 𝐇𝐈𝐒𝐓𝐎𝐑𝐘! 🚨

Priyansh Arya, take a bow! 🙇🏻‍ pic.twitter.com/n55bH38a9m

— Punjab Kings (@PunjabKingsIPL) April 8, 2025

प्रियांश आर्यने आयपीएलच्या इतिहासातील संयुक्तपणे चौथे सर्वात जलद शतक ठोकले आहे. प्रियांशने या बाबतीत ट्रॅव्हिस हेडची बरोबरी केली आहे. २०२४ मध्ये आरसीबीविरुद्ध खेळताना हेडने ३९ चेंडूत शतक झळकावले होते. इंडियन प्रीमियर लीगमध्ये सर्वात जलद शतक ठोकण्याचा विक्रम ख्रिस गेलच्या नावावर आहे. २०१३ मध्ये गेलने फक्त ३० चेंडूत शतक ठोकले. भारताकडून सर्वात जलद शतक करण्याचा विक्रम युसूफ पठाणच्या नावावर आहे. २०१० मध्ये राजस्थान रॉयल्सकडून खेळताना पठाणने ३७ चेंडूत शतक झळकावले होते. प्रियांश आयपीएलमध्ये सर्वात जलद शतक करणारा दुसरा भारतीय फलंदाज बनला आहे.