Pat Cummins Plans For Vaibhav Sooryavanshi : आयपीएल २०२६ (IPL2026)  मधील अत्यंत प्रतिष्ठेच्या आणि हाय-व्होल्टेज ‘एलिमिनेटर’ सामन्यात आज सनरायझर्स हैदराबाद आणि राजस्थान रॉयल्स हे दोन तगडे संघ आमनेसामने आहेत. मुल्लानपूर येथील मैदानावर होणाऱ्या या ‘करो या मरो’च्या लढतीपूर्वी हैदराबादचा कर्णधार पॅट कमिन्सने राजस्थानचा स्फोटक फलंदाज वैभव सूर्यवंशीला बाद करण्यासाठी एक मोठा आणि धक्कादायक खुलासा केला आहे.वैभवला स्वस्तात तंबूत पाठवण्यासाठी हैदराबादने केवळ एक नाही, तर चक्क ‘प्लान A, प्लान B आणि प्लान C’ तयार ठेवल्याचे कमिन्सने म्हटले आहे.

“वैभव सामना हिरावून नेणारा खेळाडू; विशेष तयारी गरजेची!”  (Pat Cummins Plans)

जिओस्टारशी बोलताना पॅट कमिन्सने वैभव सूर्यवंशीच्या आक्रमक फलंदाजीची धास्ती घेतल्याचे कबूल केले. कमिन्स म्हणाला, “एक गोलंदाज म्हणून नेहमी स्वतःच्या ताकदीवर विश्वास ठेवून गोलंदाजी करणे महत्त्वाचे असते. मात्र, प्रत्येक संघात असे एक-दोन खेळाडू असतात जे अवघ्या काही ओव्हर्समध्ये सामना आमच्या हातातून हिरावून नेण्याची क्षमता ठेवतात. वैभव सूर्यवंशी हा असाच एक धोकादायक फलंदाज आहे. त्यामुळे अशा खेळाडूंना शांत ठेवण्यासाठी तुम्हाला अतिरिक्त वेळ देऊन प्लान B आणि प्लान C वर काम करावेच लागते.”

“He can take the game away from us” 👀🔥#PatCummins opens up on his plans for #VaibhavSooryavanshi and #JofraArcher as #SRH take on #RR in a do-or-die Eliminator clash! 🏏💥#TATAIPL 2026, Eliminator 👉 #SRHvRR | WED, 27th MAY, 6:30 PM pic.twitter.com/WCTRgbdBng

— Star Sports (@StarSportsIndia) May 27, 2026

जयपूरमधील ‘त्या’ वादळी शतकाचा घेतला धडा!

पॅट कमिन्सने यापूर्वीच्या सामन्याची आठवण करून देत सांगितले की, “होय, आम्ही वैभवविरुद्ध खास रणनीती आखूनच मैदानात उतरणार आहोत. याच हंगामात जयपूरमध्ये खेळवल्या गेलेल्या सामन्यात त्याने आमच्या गोलंदाजांची पिसं काढत एक वादळी शतक ठोकले होते. त्या सामन्यात काही वेळा आम्ही त्याला शांत ठेवण्यात यशस्वी झालो होतो, पण काही ओव्हर्समध्ये तो आमच्यावर पूर्णपणे हावी झाला होता. आम्ही त्या सामन्यातील चुकांमधून धडा घेतला असून यावेळी त्याला रोखण्यासाठी पूर्णपणे सज्ज आहोत.”

हेही वाचा – RCB vs GT : नाद करा पण आरसीबीचा कुठं! गुजरातवर मात करत सलग दुसऱ्यांदा फायनलमध्ये एन्ट्री; पाटीदार-डफी ठरले गेमचेंजर

राजस्थानवरील वर्चस्वामुळे हैदराबादचा आत्मविश्वास दुणावला!

हा नॉकआउट सामना असून दोन्ही संघांना अगदी शून्यापासून सुरुवात करावी लागणार आहे. तरीही, चालू हंगामात राजस्थान रॉयल्सविरुद्ध मिळालेले यश सनरायझर्स हैदराबादचे मनोबल वाढवणारे ठरेल, असे कमिन्सला वाटते. तो म्हणाला, “प्रत्येक सामना हा नवीन असतो, पण आम्ही या हंगामात राजस्थानविरुद्ध दोन वेळा खेळलो आहोत. त्यांच्या खेळाडूंची बलस्थाने आणि कमकुवतपणा आम्ही जवळून पाहिला आहे. ज्या संघाविरुद्ध तुम्हाला आधी यश मिळाले आहे, त्यांच्याशी खेळताना मैदानावर एक वेगळाच आत्मविश्वास असतो आणि आमचा संघ याच आत्मविश्वासाने मैदानावर उतरेल.”