Maharashtra Politics : राज्यातील राजकीय घडामोडींना वेग आला असताना आता महाराष्ट्र नवनिर्माण सेनेला (मनसे) रायगड जिल्ह्यात मोठा धक्का बसला आहे. मनसेचे रायगड जिल्हा उपाध्यक्ष संदीप ठाकूर यांच्यासह पेण तालुक्यातील अनेक पदाधिकारी आणि शेकडो कार्यकर्त्यांनी पक्षाच्या पदांचा तसेच प्राथमिक सदस्यत्वाचा सामूहिक राजीनामा दिला आहे. हे सर्व राजीनामे मनसे अध्यक्ष राज ठाकरे यांच्याकडे पाठविण्यात आल्याची माहिती समोर आली आहे. (Maharashtra Politics)

सूत्रांकडून मिळालेल्या माहितीनुसार, रायगड जिल्ह्यात नुकत्याच जाहीर झालेल्या नव्या कार्यकारिणीच्या निवडीवरून कार्यकर्त्यांमध्ये तीव्र नाराजी होती. अनेक वर्षे पक्षासाठी काम करणाऱ्या जुन्या आणि निष्ठावान कार्यकर्त्यांना डावलण्यात आल्याचा आरोप राजीनामा देणाऱ्या पदाधिकाऱ्यांनी केला आहे. तसेच पक्षाच्या काही वरिष्ठ नेत्यांच्या कार्यपद्धतीवरही त्यांनी नाराजी व्यक्त केली आहे. (Maharashtra Politics)

Omraje Nimbalkar : “एकनाथ शिंदेंच्या नेतृत्वात काम करणार”; खासदार ओमराजे निंबाळकर यांची अखेर घोषणा

स्थानिक कार्यकर्त्यांना विश्वासात न घेता निर्णय घेतले जात असल्याची भावना वाढीस लागल्याने मोठ्या प्रमाणावर पदाधिकारी आणि कार्यकर्त्यांनी पक्ष सोडण्याचा निर्णय घेतल्याचे सांगितले जात आहे. या सामूहिक राजीनाम्यामुळे रायगड जिल्ह्यातील मनसेच्या संघटनात्मक ताकदीला मोठा धक्का बसल्याचे मानले जात आहे. (Maharashtra Politics)

 

दरम्यान, राजीनामा दिलेल्या बहुतांश कार्यकर्त्यांचा पुढील काही दिवसांत आमदार महेंद्र दळवी यांच्या उपस्थितीत एकनाथ शिंदे यांच्या शिवसेनेत प्रवेश होण्याची शक्यता व्यक्त केली जात आहे. त्यामुळे रायगडमधील राजकीय समीकरणे बदलण्याची चर्चा सुरू झाली आहे. (Maharashtra Politics)

Omraje Nimbalkar : अखेर ओमराजेंनी निर्णय घेतलाच; कार्यकर्त्यांच्या बैठकीतील ‘ती’ ऑडिओ क्लिप व्हायरल

या घडामोडींनंतर मनसे नेतृत्व नाराज कार्यकर्त्यांची समजूत काढणार का, तसेच पक्षातील ही गळती रोखण्यासाठी कोणती भूमिका घेणार, याकडे राजकीय वर्तुळाचे लक्ष लागले आहे.   (Maharashtra Politics)