Miss Universe 2025 : मिस युनिव्हर्स 2025 स्पर्धेचा निकाल जाहीर झाला असून यावर्षीचा प्रतिष्ठित मुकुट मेक्सिकोच्या फातिमा बॉश हिने जिंकला आहे. जगभरातील मॉडेल्ससाठी मिस युनिव्हर्सचा ताज हा स्वप्नासारखा मानला जातो आणि या वर्षीदेखील विविध देशांमधून अनेक स्पर्धकांनी सहभाग घेतला होता. भारताची मनिका विश्वकर्मा टॉप 12 बाहेर भारताकडून राजस्थानच्या मनिका विश्वकर्मा यांनी स्पर्धेत भाग घेतला होता. त्यांनी टॉप 30 मध्ये स्थान मिळवले, परंतु टॉप 12 मध्ये पोहोचता आले नाही. त्यामुळे भारताला यंदा मुकुटापासून वंचित राहावे लागले. मिस युनिव्हर्स 2025 मध्ये अंतिम टॉप 5 स्पर्धक पुढीलप्रमाणे होते चौथी रनर-अप: कोट दिव्वार तिसरी रनर-अप: फिलिपिन्स – अतीशा मनालो दुसरी रनर-अप: वेनेझुएला – स्टीफिन अबासली पहिली रनर-अप: थायलंड – प्रवीणर सिंग विजेती: मेक्सिको – फातिमा बॉश वाद निर्माण झाल्यानंतरही फातिमाने शांतपणे परिस्थिती हाताळली आणि शेवटी तिनेच 2025 चा ताज जिंकत देशाचे नाव जगभरात उज्ज्वल केले. फातिमा बॉश कोण? फातिमा बॉश फर्नांडिस यांचा जन्म 19 मे 2000 रोजी मेक्सिकोच्या तेपा येथे झाला. त्यांनी विलेहर्मोसा तबास्को येथे शिक्षणाची सुरुवात केली. पुढे युनिव्हर्सिडॅड इबेरोमेरिकाना या विद्यापीठातून फॅशन डिझाइनचे शिक्षण घेतले. वय: 25 वर्षे उंची: 5 फूट 9 इंच त्या तबास्को राज्यातून आंतरराष्ट्रीय स्पर्धेत भाग घेणाऱ्या पहिल्या महिला ठरल्या असून त्यांनी राज्यासाठी इतिहास रचला आहे. वाद कशामुळे झाला? 4 नोव्हेंबर रोजी कार्यक्रमादरम्यान झालेल्या एका घटनेने वातावरण तणावपूर्ण झाले. मिस थायलंडचे संचालक नवात इत्साराग्रिसिल यांनी फातिमाने थायलंडशी संबंधित प्रमोशनल कंटेंट शेअर न केल्याचा उल्लेख करत सार्वजनिक मंचावर त्यांच्यावर रागाने टीका केली. या वागणुकीमुळे फातिमा व्यथित झाल्या आणि त्यांनी वॉकआउट करण्याचा निर्णय घेतला. काही स्पर्धकांनीही त्यांच्या समर्थनार्थ मंच सोडला. नंतर फातिमा पुन्हा मंचावर परत आल्या आणि संचालकांचे वर्तन अपमानजनक असल्याचे त्यांनी स्पष्टपणे सांगितले. या धाडसी भूमिकेनंतर त्यांनी मुकुट जिंकत स्वतःची योग्यता सिद्ध केली.
