Wagholi News : बेकायदेशीररीत्या देशी बनावटीचे पिस्टल बाळगून वाडेबोल्हाई येथे फायरिंगचा सराव केल्याप्रकरणी लोणीकंद पोलिसांनी पिंपरी सांडस येथील दोघांविरुद्ध गुन्हा दाखल केला आहे. पोलिसांनी कारवाईदरम्यान एक पिस्टल आणि एक राऊंड जप्त केला आहे. (Wagholi News)

याप्रकरणी पोलिस शिपाई सुधीर शिवले यांनी फिर्याद दिली असून ऋषीकेश वामन भोरडे (वय २७, रा. पिंपरी सांडस) आणि प्रणव संदीप भोरडे (वय १९, रा. पिंपरी सांडस) यांच्याविरुद्ध गुन्हा दाखल केला आहे. (Wagholi News)

याबाबत मिळालेल्या माहितीनुसार, लोणीकंद पोलिस ठाण्याच्या तपास पथकाला गोपनीय बातमीदारामार्फत ऋषीकेश भोरडे याच्याकडे पिस्टल असल्याची माहिती मिळाली. (Wagholi News)

या पिस्टलच्या सहाय्याने त्याने मित्राच्या मदतीने वाडेबोल्हाई परिसरात रात्रीच्या वेळी फायरिंगचा सराव केल्याची माहितीही पोलिसांना मिळाली होती. संशयित ऋषीकेश भोरडे याला पोलिसांनी ताब्यात घेतले. (Wagholi News)

त्याच्या घराची झडती घेतली असता देशी बनावटीचे एक पिस्टल आणि त्यामध्ये एक राऊंड आढळून आले. सदर पिस्टल व राऊंड जप्त करण्यात आले आहे. त्याने प्रणव भोरडे याच्यासोबत वाडेबोल्हाई येथे सराव केल्याचे सांगितले. संबंधितांनी पिस्टल बाळगून फायरिंगचा सराव केल्याने दोघांवर लोणीकंद पोलीस ठाण्यात गुन्हा दाखल करण्यात आला आहे. अधिक तपास पोलीस करीत आहेत. (Wagholi News)

Wagholi News : वाघोली स्वतंत्र महावितरण उपविभागाचा मार्ग मोकळा; आमदार ज्ञानेश्वर कटकेंच्या पाठपुराव्याला यश