त्यानुसार आता नियोजित वधूसह तिच्या मित्रमंडळींविरोधात गुन्हा दाखल करण्यासाठी लोणावळा ग्रामीण पोलीस ठाण्यात फिर्याद दाखल करण्याची प्रक्रिया सुरू केली आहे. या फिर्यादीत एकूण आठ जणांचा समावेश असल्याची माहिती समोर आली आहे.

केतन अग्रवाल यांचा काही दिवसांपूर्वी लोहगड किल्ल्यावर ट्रेकिंगदरम्यान दरीत पडून मृत्यू झाला होता. त्यावेळी पोलिसांनी अपघाती मृत्यूची नोंद करून तपास सुरू केला होता. प्राथमिक माहितीनुसार, केतन हा त्याच्या नियोजित वधू आणि मित्रांसोबत ट्रेकसाठी गेला होता. Ketan Agarwal

मात्र, आता केतनच्या कुटुंबीयांनी मृत्यूबाबत संशय व्यक्त केला असून, संपूर्ण घटनेची सखोल चौकशी करण्याची मागणी केली आहे. फिर्यादीत नियोजित वधूसह आठ जणांविरोधात विविध आरोप करण्यात आले असून, त्यानुसार गुन्हा दाखल करण्याबाबत लोणावळा ग्रामीण पोलीस कायदेशीर पडताळणी करत आहेत.

या प्रकरणातील फिर्याद आणि उपलब्ध पुराव्यांची छाननी करून पुढील कारवाई केली जाणार असल्याचे पोलिसांकडून सांगण्यात आले आहे. तपासानंतरच मृत्यूमागील नेमके कारण आणि जबाबदारी स्पष्ट होणार आहे. Ketan Agarwal

हेही वाचा: 

Sanjay Raut : संजय दिना पाटलांना ओपन चॅलेंज; राऊत आक्रमक, म्हणाले “मुलीच्या उमेदवारीवरुन त्यांनी तमाशा…”