![\"kanika](\"https://axrmzc5ulsbu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2026/09/DD-2026-09-06T215306.968.png\")
Bigg Boss : टीव्ही विश्वातील ‘नागिन’ची ‘बिग बॉस’च्या घरात जोरदार एन्ट्री; सलमानने सुद्धा केलं खास कौतुक, जाणून घ्या तिचा ग्लॅमरस प्रवास…
कनिकाच्या करिअरमधील अलीकडील महत्त्वाचा टप्पा म्हणजे ‘नागिन ७’. या मालिकेत तिने पारंपरिक सकारात्मक नायिकेऐवजी एका गुंतागुंतीच्या आणि ग्रे शेड असलेल्या पात्राची भूमिका साकारली.
kanika mann : ‘बिग बॉस’च्या घरात प्रवेश करणारा प्रत्येक स्पर्धक काही ना काही कारणामुळे चर्चेत असतो. मात्र, यंदाच्या २०व्या पर्वाची सुरुवातच एका लोकप्रिय टीव्ही अभिनेत्रीच्या दमदार एन्ट्रीने झाली आहे.
सलमान खानच्या बहुचर्चित ‘बिग बॉस २०’चा ग्रँड प्रीमियर ६ सप्टेंबरला मोठ्या दिमाखात पार पडला आणि पहिल्याच स्पर्धकाच्या एन्ट्रीने प्रेक्षकांचे लक्ष वेधून घेतले.
ही स्पर्धक म्हणजे लोकप्रिय टीव्ही अभिनेत्री कनिका मान. सलमान खानने तिचं स्वागत करताना तिच्या कामाचा उल्लेख केला आणि विशेष म्हणजे, “माझी आई तुझी चाहती आहे,” असं सांगत तिचं कौतुकही केलं. त्यामुळे कनिकाच्या एन्ट्रीची चर्चा सोशल मीडियावरही रंगली आहे.
kanika mann
यंदाच्या ‘बिग बॉस’ची थीमही नेहमीपेक्षा वेगळी आहे. ‘तथास्तु-टू’, म्हणजेच Duality या संकल्पनेवर आधारित या पर्वात प्रत्येक गोष्टीचे दोन पैलू पाहायला मिळणार आहेत.
त्यासोबतच ‘वरदान’ आणि ‘एक्स्ट्रा जीवनदान’ या ट्विस्टमुळे एलिमिनेशननंतरही स्पर्धकाला गेममध्ये परतण्याची संधी मिळू शकते. त्यामुळे यंदाचा खेळ फक्त नॉमिनेशन आणि एलिमिनेशनपुरता मर्यादित न राहता प्रत्येक वळणावर अनपेक्षित ट्विस्ट घेणार असल्याचे दिसत आहे.
कोण आहे कनिका मान?
कनिका मान ही मूळची हरियाणातील पानिपतची अभिनेत्री आहे. तिचा जन्म ७ ऑक्टोबर १९९३ रोजी झाला असून तिने पंजाबी मनोरंजनविश्वातून आपल्या करिअरची सुरुवात केली. मॉडेलिंग आणि म्युझिक व्हिडीओमधून प्रसिद्धी मिळवल्यानंतर तिने अभिनय क्षेत्रात पाऊल ठेवलं.
— Star Gallery (@stargallery2020) June 1, 2026
मात्र, ‘गुड्डन तुमसे ना हो पाएगा’ या मालिकेने तिला घराघरात ओळख मिळवून दिली. या मालिकेतील गुड्डनच्या भूमिकेमुळे तिच्या अभिनयाची विशेष चर्चा झाली.
यानंतर कनिकाने स्वतःला केवळ एका प्रकारच्या भूमिकेपुरतं मर्यादित ठेवलं नाही. तिने अभिनेता अर्जुन बिजलानीसोबत ‘रुहानियत’ या वेबसीरिजमध्ये काम केलं. त्यानंतर ती ‘खतरों के खिलाडी १२’मध्ये सहभागी झाली आणि आपल्या धाडसी अंदाजामुळे प्रेक्षकांचं लक्ष वेधून घेतलं.
kanika mann
कनिकाच्या करिअरमधील अलीकडील महत्त्वाचा टप्पा म्हणजे ‘नागिन ७’. या मालिकेत तिने पारंपरिक सकारात्मक नायिकेऐवजी एका गुंतागुंतीच्या आणि ग्रे शेड असलेल्या पात्राची भूमिका साकारली.
तिची व्यक्तिरेखा इच्छाधारी ड्रॅगनची होती. या भूमिकेबद्दल बोलताना कनिकानेही ही व्यक्तिरेखा केवळ चांगली किंवा वाईट नसून भावनिकदृष्ट्या अनेक पदर असलेली असल्याचं सांगितलं होतं.
