Jejuri News – महाशिवरात्री उत्सवानिमित्त श्री मार्तंड देवसंस्थान विश्वस्त मंडळ, प्रशासकीय अधिकारी व ग्रामस्थ यांच्यात संयुक्त बैठक घेऊन यात्रेच्या नियोजनाबाबत चर्चा करण्यात आली. ही यात्रा शिस्तबद्ध व भाविकांसाठी सोयीस्कर पद्धतीने पार पाडण्याचा निर्णय यावेळी घेण्यात आला.जेजुरीच्या खंडोबा गडावर मुख्य मंदिराचे गर्भगृहात स्वयंभू शिवलिंग व मुख्य मंदिराचे कळसात शिवलिंग असून वर्षातून एकदाच म्हणजेच महाशिवरात्रीच्या दिवशी ते उघडण्यात येऊन विधिवत अभिषेक पूजा झाल्यानंतर भाविकांना ते दर्शनासाठी खुले करण्यात येते. या अनुषंगाने राज्यातून भाविकांची मोठी गर्दी जेजुरीत होत असते. त्यामुळे यात्रेचे नियोजन करण्यासाठी, नगरपालिका, महसूल, पोलीस, प्रशासन व्यवस्था आदींसह देवसंस्थान विश्वस्त मंडळ, अधिकारी, पुजारी, सेवेकरी ग्रामस्थ मंडळ यांच्या समन्वयातून यात्रा पार पाडली जाते.यावेळी देवसंस्थान अध्यक्ष मंगेश घोणे, विश्वस्त ॲड. विश्वास पानसे, अनिल सौंदडे, ॲड. पांडुरंग थोरवे, पोपट खोमणे, आभासी पद्धतीने तहसीलदार तथा पदसिद्ध विश्वस्त विक्रम राजपूत, सहाय्यक पोलीस निरीक्षक दीपक वाकचौरे, जेजुरी नगरपरिषद उपनगराध्यक्ष गणेश निकुडे, मुख्याधिकारी चारुदत्त इंगुले, पोलीस उपनिरीक्षक सर्जेराव पुजारी, तारडे साहेब, खांदेकरी मानकरी ट्रस्ट अध्यक्ष जालिंदर खोमणे, गणेश आगलावे, नगरसेवक कृष्णा कुदळे, स्वप्नील हरपळे, माजी प्रमुख विश्वस्त सुधीर गोडसे, पुजारी वर्गाचे माधव बारभाई, सुरेश सातभाई, सतीश कदम, हनुमंत लांघी, मानकरी व ग्रामस्थ मोठ्या संख्येने उपस्थित होते. प्रत्येक विभागाने जबाबदाऱ्या पार पाडावेत यावेळी भाविकांच्या सोयीसाठी स्वतंत्र शिखर लिंग दर्शन रांग मंडप, गाभारा, गुप्त लिंग दर्शनासाठी स्वतंत्र रांग ठेवण्याचे नियोजन केले आहे. दर्शन रांगेमध्ये पिण्याच्या पाण्याची व्यवस्था, भाविकांना प्रसाद वाटप करण्याचेही ठरविले. यात्रेदरम्यान गर्दीचे योग्य नियोजन करणे, आवश्यक त्या ठिकाणी सूचना फलक, लाईट व्यवस्थेबाबत उपस्थितांनी सूचना मांडल्या. प्रशासकीय प्रत्येक विभागाने आपापल्या जबाबदाऱ्या स्पष्ट करून योग्य प्रकारे पार पाडण्याचे नियोजन केले. महाशिवरात्री यात्रेच्या पार्श्वभूमीवर भाविकांनी प्रशासनास सहकार्य करावे, असे आवाहन देवसंस्थानच्या वतीने करण्यात आले आहे.
