Jamkhed News : आज शहरात झालेल्या धुवांधार पावसामुळे प्रशासकीय नियोजन आणि महामार्गाच्या अपूर्ण कामाची पोलखोल झाली आहे. बीड रोडवरील समर्थ हॉस्पिटलसमोर असलेल्या ‘साई वडापाव’ या दुकानात रस्त्यावरून वाहून आलेले पावसाचे पाणी थेट आत शिरल्याने व्यावसायिकाचे मोठे आर्थिक नुकसान झाले आहे. (Jamkhed News)

जामखेड-सौताडा महामार्गाच्या रडखडलेल्या कामाचा हा थेट फटका सर्वसामान्य दुकानदारांना सहन करावा लागत आहे. गेल्या अनेक महिन्यांपासून या महामार्गाचे काम न्यायालयीन प्रक्रियेच्या कचाट्यात अडकले आहे. (Jamkhed News)

एकीकडे न्यायालयीन पेच आणि दुसरीकडे स्थानिक प्रशासनाची पूर्णपणे असलेली अनास्था, या दुहेरी कात्रीत जामखेडचे नागरिक व व्यापारी भरडले जात आहेत. पावसाच्या पाण्याचा निचरा होण्यासाठी योग्य गटारांची व्यवस्था न केल्याने, रस्त्यावरून वाहणारा पाण्याचा लढा थेट महामार्गालगतच्या दुकानांमध्ये घुसत आहे. (Jamkhed News)

आज झालेल्या पावसामुळे ‘साई वडापाव’ दुकानातील साहित्य, खाद्यपदार्थ आणि फर्निचर पाण्यात भिजल्याने दुकानदाराचे मोठे नुकसान झाले आहे. “कोर्टाची पायरी आणि प्रशासनाचा नाकर्तेपणा यांच्यात आमचा काय दोष? दर पावसात दुकानदारांना हीच भीती उराशी बाळगून राहावे लागते,” असा संतापजनक सवाल स्थानिक नागरिकांनी उपस्थित केला आहे. (Jamkhed News)

महामार्गाच्या रखडलेल्या कामावर तोडगा काढून पाण्याचा निचरा होण्याची तातडीने सोय करावी, अन्यथा प्रशासनाच्या या अनास्थेविरोधात तीव्र आंदोलन छेडण्याचा इशारा भागातील व्यापाऱ्यांनी दिला आहे. (Jamkhed News)

Jamkhed News : समाजोपयोगी उपक्रमांतून ‘आरंभ फाउंडेशन’ने नावलौकिक प्राप्त केला : सागर महाराज कुमटकर

Jamkhed News : जामखेड हादरले..! चोरीच्या संशयावरून पकडण्यासाठी गेलेल्या पोलिसावरच जीवघेणा हल्ला